Búgin QR Premer-Ministriniń orynbasary Berdibek Saparbaev pen QR Densaýlyq saqtaý ministri Eljan Birtanov Túrkistan oblysyndaǵy birqatar meditsinalyq nysandy aralady, dep habarlaidy "Ult aqparat".
Úkimet múshelerinen quralǵan delegatsiia aldymen Otyrar aýdanyna bardy.
QR Densaýlyq saqtaý ministri Eljan Birtanov aldymen, aýyl aýrýhanasynyń jumysymen tanysty. Jergilikti saýyqtyrý ortalyǵy 50 myńǵa jýyq halyqqa qyzmet kórsetedi. Aýyl aýrýhanasy tolyq tsifrlyq júiege kóshken. Internet pen meditsinalyq aqparattyq júie 100 paiyz qoljetimdi.
Aýyl turǵyny qalalyq nemese oblystyq aýrýhanaǵa tússe, dárigerler JSN boiynsha jeke karta ashady. Al patsient týraly barlyq derek, zerthanalyq saraptamanyń qorytyndysy elektrondyq densaýlyq pasportynda jedel kórinedi. Aýrýhana zamanaýi apparattarmen jabdyqtalǵan.
«Densaýlyq saqtaý júiesiniń jumysyn ońtailandyryp, meditsinalyq qyzmetti qoljetimdi ári sapaly etý úshin meditsina salasyn tolyq tsifrlyq júiege kóshirý qajet», - dedi Eljan Birtanov.
Ministr meditsinalyq qyzmetkerlermen kezdeskende mindetti meditsinalyq saqtandyrýǵa kóp kóńil bóldi jáne 2020 jyldyń 1 qańtarynan bastap dárigerlerdiń eńbekaqysy 30% deiin, medbikelerdiń jalaqysy 20% deiin artatynyn aitty.
Otyrar aýdandyq aýrýhanasynda 800-ge jýyq qyzmetker jumys isteidi. Aýrýhanada naýqastarǵa bar jaǵdai jasalǵan. Patsientter úshin Senim telefony ornatyldy, ishki aýdit te qyzmet etedi. Sondai-aq, jergilikti dárigerlerdiń shetelge baryp, biliktiligin arttyrýǵa múmkindik bar.
