Túrkistan oblysynda týǵan anasyn óltirdi degen kúdikpen 40 jastaǵy er adam ustaldy, dep habarlaidy ult.kz.
Aldyn ala málimetke sáikes, qaiǵyly oqiǵa Túlkibas aýdanyndaǵy aýyldardyń birinde bolǵan. “Otyrar” telearnasy taratqan aqparatqa súiensek, kúdikti óz úiinde anasyn pyshaqtap, áiel oqiǵa ornynda alǵan aýyr jaraqattarynan kóz jumǵan.
Áleýmettik jelilerde kúdiktiniń tserebraldy sal aýrýyna shaldyqqany týraly beiresmi aqparat taraǵan. Degenmen bul málimetti quqyq qorǵaý organdary ázirge resmi túrde rastaǵan joq.
Túrkistan oblysy Politsiia departamenti atalǵan oqiǵanyń bolǵanyn rastady. Qazirgi tańda kúdikti qamaýǵa alynyp, oǵan qatysty qylmystyq is boiynsha sotqa deiingi tergeý amaldary júrgizilip jatyr.
Oqiǵanyń naqty sebepteri men ózge de mán-jailary tergeý barysynda anyqtalatyn bolady.
