Búgin Túrkistan oblysynda qazaqtyń kórnekti aqyny Abaidyń 175 jyldyǵyna orai birqatar merekelik shara uiymdastyrylady. "Ult aqparat" bul týraly Óńirlik kommýnikatsiialar qyzmetine silteme jasap habarlaidy.
Atap aitqanda, «Jeńis» saiabaǵynda «Adamzattyń Abaiy» atty merekelik jiyn ótedi.
Oblystyq tarihi-mádeni etnografiialyq ortalyǵynda «Uly dalanyń uly aqyny – Abai» taqyrybynda onlain-lektsiiasy jáne «Abai dana, Abai dara» onlain-kórmesi uiymdastyrylady.
Budan bólek, «Ońtústikfilm» kommýnaldyq memlekettik mekemesi Abaidyń 16 qara sózi, «Óleń sózdiń patshasy» chellendjin, uly oishylǵa arnalǵan beineroliktiń kórsetilimin ótkizedi.
Al Túrkistan oblystyq Y. Altynsarin atyndaǵy balalar kitaphanasy «Abai rýhy qazaq dalasynda» atty videokórme, «Aittym sálem, Qalamqas...» oqyrmandardan syi sharasyn josparlap otyr.
Oblystyq A.S. Pýshkin atyndaǵy ámbebap-ǵylymi kitaphanasynda «Abaidy oqy, orynda», «Abaiǵa taǵzym» beinabaiandary kórsetilip, «Abai - ult biigi» taqyrybyndaǵy kórmege virtýaldy sholý, «Abaidy oqiyq» biblopost jobasy júzege asyrylady.
Aita keteiik, biylǵy jyly álemniń kóptegen elderi Qazaqstannyń bastamasymen jáne IýNESKO-nyń qoldaýymen Abaidyń 175 jyldyǵyn atap ótedi. Osyǵan orai Qazaqstanda 10 tamyz – Abai kúni bolyp belgilendi.
