Biyl 20 qarashada QR Prezidentiniń kezekten tys sailaýy ótedi. Prezident sailaýyna kandidattardy tirkeý 23 qyrkúiekten bastaldy. Kandidattardy tirkeý 11 qazan kúni keshki saǵat 18:00-de aiaqtalady.
Ortalyq sailaý komissiiasy 23 qyrkúiek pen 21 qazan aralyǵynda úmitkerlerdiń Konstitýtsiia men sailaý zańnamasynyń talaptaryna sáikestigin tekseredi.
Sailaý aldyndaǵy úgit-nasihat jumystary 21 qazanda bastalyp, 18 qarashada aiaqtalady. 19 qarasha – tynyshtyq kúni. 20 qarasha kúni sailaýshylar Qazaqstan Prezidentin jeti jylǵa jáne bir merzimge ǵana sailaidy.
2022 jylǵy 1 shildedegi jaǵdai boiynsha Qazaqstan sailaýshylarynyń tizimine 11 827 277 azamat engen. Túrkistan oblysynda 19 qyrkúiektegi aqparat boiynsha 1 168 475 sailaýshy tirkelgen. Óńirde barlyǵy 919 sailaý ýchaskesi bar. Túrkistan oblysynyń Óńirlik kommýnikatsiialar qyzmetiniń habarlaýynsha, qazirgi tańda olardaǵy materialdyq-tehnikalyq jabdyqtalýy tolyqtai daiyn.
Osy oraida, Túrkistan oblysynyń turǵyndaryna Prezident sailaýynda daýys berýge arnalǵan óziniń sailaý ýchaskesi týraly qajetti aqparat alý úshin Telegram messendjerinde arnaiy bot iske qosyldy (https://t.me/tur_saylaw_bot) jáne Túrkistan oblysy ákimdiginiń resmi saitynda jariialandy (https://tur.saylaw.kz). Osy bailanys quraldarynyń kómegimen óńir turǵyndary 2022 jylǵy 20 qarashada ótetin Qazaqstan Respýblikasy Prezidentiniń sailaý kúni daýys bere alatyn sailaý ýchaskesi týraly tolyq aqparat (nómiri, mekenjaiy, bailanystary) ala alady.
Aita keteiik, qosymsha suraqtar bolǵan jaǵdaida 109 Call-ortalyǵyna habarlasýǵa bolady. 109 Call-ortalyǵy 24/7 rejiminde jumys isteidi.
