Túrkistan oblysynda 60-qa tarta eldimeken eki aptaǵa jýyq ýaqyttan beri jaryqsyz otyr. Qatty boran saldarynan qarańǵylyq qushaǵynda qalǵan aýyldarda bes myńnan asa elektr baǵanalary qulaǵan bolatyn, dep habarlaidy "Ult aqparat".
Túrkistan oblystyq Energetika jáne turǵyn úi kommýnaldyq sharýashylyq basqarmasynyń bólim basshysy Roza Sarievanyń aitýynsha, qatty borannan óńirdegi Ordabasy, Otyrar, Báidibek aýdandary men Arys, Kentaý, qalalaryndaǵy 93 eldimekenniń jaryǵy sóngen. Onda 36 myńǵa tarta tutynýshy turady. Qazir sońyn tek 34 aýylynda ǵana baǵanalar qalpyna keltirilgen. Qalǵan 59 eldimekenge naqty qashan jaryq beriletini ázirge belgisiz.
«Qaptty daýyldan óńirdegi 5105 elektr baǵanasy qulaǵan bolatyn. «KEGOC» kompaniiasy tarapynan 243 baǵananyń 110-y retke keltirilgen. «Ońtústik jaryq tranzit» tarapynan 651 baǵana qalpyna keltirildi. Sondai-aq, Kentaý, Túrkistan qalalary men Sozaq aýdanyn sapaly elektrmen qamtityn jelisi qulaǵan. Qazirgi tańda bul jeli qalpyna keltirildi. Bul jumystarǵa «KEGOC» Aktsionerlik qoǵamynan 192 jumysshy jumyldyrylǵan. Al, «Ońtústik jaryq tranzit» tarapynan 307 adam men 72 arnaiy tehnika, 72 brigada tartylǵan. Dese de, atalǵan eldimekenderde qatty jańbyr jaýdy. Nátijesinde baǵanalar turǵan jerler batpaq, lai boldy. Sol jerde tehnika kishkene qinalyp jumys istep jatyr. Jaryq berýshi mekemeniń málimetinshe, osy eldimekenderde baǵanalardy qalpyna keltirý men úzilgen symdardy jalǵaý jumystary 15-shi sáýirge deiin sozylýy múmkin dep otyrmyz. Biraq jaýyn-shashyn azdaý bolsa, odan da erte bitirýi yqtimal»,- deidi Roza Sarieva.
Aita keteiik, tabiǵi apattan qulaǵan 5 myńnan asa elektr baǵanasynyń tórt myńǵa jýyǵy 20 kilovolttan asa tok ótetin joǵary kerneýli jelileri sanalady. Boran saldarynan 440 mln teńge shamasynda shyǵyn kelgen.
