Túrkistan oblysyndaǵy alapat daýyl búgin de basylmai tur. Sonyń saldarynan 51 eldimekende turatyn 26 myńdai tutynýshy jaryqsyz qaldy, dep habarlaidy QazAqparat.
Oblystyq TJD baspasóz qyzmetiniń málimetinshe, qatty daýyldan adamdar jaraqat almaǵan. Tabiǵattyń tosyn minezinen Arys qalasy men Sairam, Otyrar, Báidibek, Ordabasy aýdandarynda úilerdiń shatyry ushyp, jaryq sónip qalǵan. Búginde jaryqqa jaýapty mekemeniń 25 brigadasy jumysqa kiristi. 80-nen astam jumysshy men 22 birlik tehnika tartylǵan. Olar úzilgen jelilerdi jalǵap, qaita qalpyna keltirý jumystaryn júrgizip jatyr. Qatty daýyl áli de jalǵasady degen boljam bar.
«Endi «Qazgidromedtiń» berip otyrǵan málimetine sáikes, daýyldy jel búgin de saqtalady. Kei jerlerde daýyldy jel turýy múmkin. Osyǵan bailanysty búkil oblys, aýdan-qalalarda ákimdik tarapynan shuǵyl shtabtar qurylyp, barlyq qyzmetker kúsheitilgen qyzmet túrine kóshirildi», - deidi Túrkistan oblystyq TJD bastyǵynyń orynbasary Erik Sarybasov.
