Túrkistan oblysynyń aýmaǵynda 2025 jylǵa deiin 110 myń gektardan astam jerge 170 mln aǵash otyrǵyzylady. Bul týraly "Ult aqparat" ákimdikke silteme jasap habarlaidy.
Jasyl jelektiń basym bóligi oblys ortalyǵynda egiledi. Aýqymdy shara Memleket basshysynyń halyqqa Joldaýyndaǵy tapsyrmasy sáikes júzege asýda. Sonymen qatar, el Táýelsizdiginiń 30 jyldyǵyna orai oblys ákimi Ómirzaq Shókeevtiń bastamasymen Túrkistan oblysynda 30 mln. aǵash otyrǵyzý jumystary uiymdastyrylýda.
Túrkistan oblysy ákiminiń orynbasary Meiirjan Myrzaliev, oblystyq Tabiǵi resýrstar jáne tabiǵat paidalanýdy retteý basqarmasynyń basshysy Qairat Abdýaliev pen BAQ ókilderiniń qatysýymen «Tabiǵat kúnine» orai «Birge taza Qazaqstan» atty aktsiiasy ótti. Shara barysynda 180 gektar jerge 3 myńnan astam aǵash otyrǵyzyldy. Aǵash egýge 200-ge jýyq qyzmetkerler jumyldyrylǵan.
Túrkistan oblysynda 3 mln. 131 myń ga orman qory bar. Ormanmen kómkerilgen alqaby – 1 mln. 630 myń ga. Oblys ákiminiń bastamasymen, Túrkistan qalasy Bas josparynyń jobasyna sáikes, qala ainalasynan 7 700 gektar aýmaqqa «Jasyl beldeý» qurý jospary jyl sońyna deiin tolyq júzege asady. Sonymen qatar, «Jasyl beldeý» aýmaǵyna KazAtomónerkásip AQ-men birlesip, 7000 ga jerge japyraqty jáne sekseýil kóshetteri men tuqymy egildi. Jyl sońyna deiin onyń kólemin 20 myń gektarǵa jetkizý josparlanǵan.
Orman aǵashtaryn kútip-baptaý, tolyqtyrý, ormannyń tabiǵi túrde qaita túleýine yqpal jasaýy men orman tuqymbaqtaryn damytý sharalaryna oblystyq biýdjetten 179 mln. teńge bólingen. Búginde orman tuqymbaqtarynyń kólemi eki eke ulǵaiyp, 730 gektarǵa jetken. Jyl saiyn 40 millionǵa deiin ártúrli aǵash kóshetterin ósirý josparlanǵan.
Orman alqaptarynyń keńeiýine bailanysty jáne ormandy molaitý jáne orman ósirý salasynda josparlanǵan jumystardy sapaly, tolyǵymen oryndaý maqsatynda arnaiy tehnika sany artýda.
Atap aitqanda, sońǵy úsh jylda olardyń sany 400-den aspaq. Jaqyn arada 59 dana tehnika men 48 dana qosalqy agregattar alý josparlanǵan.
Túrkistan qalasyn kógaldandyrý jumystary boiynsha Keshendi josparyna sáikes, orman sharýashylyǵyn damytý, ulǵaitý, qorshaǵan ortany qorǵaý baǵdarlamalary qarqyndy júzege asyp keledi.
Ǵylymi esepteýler boiynsha 1 gektar orman jylda 18 mln tekshe metr aýany tazartady. Nemese, sol orman bir kúninń ishinde 11 tonna ýly kómirqyshqyl gazdaryn boiyna sińirip, ydyratyp otyrady.
