Túrkistan oblysynda 1,3 mln-nan astam kóshet otyrǵyzylýda, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
QR Prezidentiniń tapsyrmasyna sáikes, biylǵy jyldan bastap Túrkistan qalasyn jasyl qalaǵa jáne aýa-raiyn qolaily klimatqa ainaldyrý maqsatynda Túrkistan qalasynyń ainalasynda «Jasyl beldeý» qalyptastyrý jumystary júrýde.
Osyǵan orai, oblys ákimdiginiń bastamasymen oblys ortalyǵynda jalpyhalyqtyq senbilik ótti. Senbilikke óńir basshylyǵy, oblys ákimdigine qarasty basqarmalar men departamentter qyzmetkerleri jáne jergilikti turǵyndar qatysty.
Budan bólek, senbilik aiasynda 16 aýdan, qala halqy da aýyldaryn tazartýǵa atsalysty.
Aita keteiik, Túrkistan qalasyn kógaldandyrý maqsatynda qala 16 sektorǵa bólingen. Ár sektorǵa jaýapty aýdan, qala óz aýmaǵynda aǵash otyrǵyzý jáne abattandyrý jumystaryn qarqyndy júrgizýde. Biyl Túrkistan qalasy boiynsha 197 myń kóshet otyrǵyzý josparlansa, osy sektorlardyń jumysy nátijesinde búgingi kúnge deiin 49 myń kóshet egilgen. Al búgingi jalpyhalyqtyq senbilik aiasynda oblys ortalyǵynda 24 myńnan astam tal egildi. Sharaǵa 33 tehnika jumyldyryldy.
Sondai-aq Túrkistan qalasynda 268 sý uńǵymasyn jasaý josparlansa, sonyń ishinde 57 sý uńǵymasy iske qosylǵan.
Jalpy oblys boiynsha 1304,9 mln kóshet egý josparlanyp, búginde 609,2 myń kóshet otyrǵyzylǵan.
Jergilikti turǵyndar da kóne shahardyń jasyl qalaǵa ainalýyna belsene qatysty.
