Túrkistan oblysyna Germaniia jáne Ýkraina elderinen gýmanitarlyq kómek jetkizildi, dep habarlaidy "Ult aqparat".
«Kómek júginde meditsinalyq betperde, meropenem, levofloksatsin sekildi asa qajetti zattar bar. Kelip jetken dárilik zattardy Sybailas jemqorlyqqa qarsy is-qimyl agenttiginiń Túrkistan oblysy boiynsha departament qyzmetkerleri men dárigerler qabyldap aldy. Jalpy sany 4 myńnan asatyn meditsinalyq preparat pen qorǵanysh betperdeleri qajettiligine qarai aýrýhanalar men emhanalarǵa taratylatyn bolady.
Aita keteiik, sybailas jemqorlyq faktileri oryn almas úshin, barlyq preparatqa «tegin» degen jazýy bar arnaiy mór basylady. Bul sharalar oblysymyzda koronavirýstyń taralý jaǵdaiy azaiyp, ahýal turaqtalǵansha jalǵasa bermek», - delingen oblys ákimdiginiń resmi saitynda.
