Túrkistan oblysynda jolǵa shyǵyp ketken jylqy úsh adam ólimine ushyratqan apatqa sebep boldy, dep habarlaidy "Ult aqparat" óńirlik PD baspasóz qyzmetine silteme jasap.
Samara-Shymkent tas joly boiynda shymkenttik turǵyn óziniń «Toyota Camry 50» markaly kóligimen Túrkistannan Shymkent baǵytyna qarai kele jatyp, joldyń sol jaq betinen shyqqan jylqyny qaǵyp ketken.
Osy jol-kólik oqiǵasy saldarynan 3 adam oqiǵa ornynda kóz jumdy.
Onyń ishinde ekeýi erli-zaiypty jáne bireýi jasóspirim, olardyń nemeresi.
Kóliktiń júrgizýshisi alǵan dene jaraqatynan Shymkent qalalyq aýrýhanasynyń jansaqtaý bólimine túsken. Ol qaza tapqan jandardyń kúieý balasy.
Atalǵan jait Ordabasy APB-men QR QK -niń 345-babymen tirkeýge alynyp, sotqa deiingi tergeý amaldary júrgizilýde.
