Túrkistan oblystyq qoǵamdyq densaýlyq basqarmasyna jańa basshy taǵaiyndaldy. Oblys ákimi Ómirzaq Shókeevtiń ókimimen bul qyzmetti Marat Orynbasaruly Pashimov atqaratyn boldy, dep habarlaidy "Ult aqparat".
Marat Pashimov 1981 jyly Ońtústik Qazaqstan oblysy, Maqtaaral aýdanynda týǵan. Bilimi joǵary, biliktiligi - emdeý isi jáne jergilikti memlekettik basqarý.
Meditsina ǵylymdarynyń kandidaty.
Eńbek jolyn 2003 jyly Ońtústik Qazaqstan oblysy kardiologiialyq ortalyqta medaǵa bolyp bastaǵan. 2005 – 2015 jyldary aralyǵynda oblystyq klinikalyq aýrýhanasynda dáriger-anesteziolog, reanimatsiia bóliminiń meńgerýshisi, telemeditsina meńgerýshisi, bas dárigerdiń uiymdastyrý-ádistemelik jáne TJ jónindegi orynbasary laýazymdaryn atqarǵan. 2015 - 2017 jyldary №3 Shymkent qalalyq emhanasynyń bas dárigeri bolyp qyzmet etken.
2017 jyldyń qańtar aiynan bastap Túrkistan oblysy klinikalyq aýrýhanasynyń bas dárigeri bolyp eńbek etip kelgen.
Aita keteiik, buǵan deiin atalǵan basqarma basshysy bolǵan Muqan Egizbaev óz erkimen qyzmetinen ketti.
