Túrkistan oblystyq máslihatynyń kezekti on jetinshi sessiiasy ótip, sessiia jumysynda 21 másele qaraldy. Sessiiaǵa Túrkistan oblysynyń ákimi Darhan Satybaldy, qala, aýdan ákimderi men oblystyq qoǵamdyq uiymdar tóraǵalary jáne BAQ ókilderi qatysty. Sessiia jumysyn oblystyq máslihat hatshysy Q.Balabiev júrgizdi.
Oblys ákimi D.Satybaldy ózine senim artyp, qoldaý bildirgenderi úshin depýtattarǵa alǵysyn aitty. El Prezidentiniń Qazaqstan halqyna arnaǵan «Ádiletti memleket. Birtutas ult. Berekeli qoǵam» atty kezekti Joldaýyndaǵy tapsyrmalarǵa toqtaldy.
«Ózderińizge belgili, Memleket basshysy Qasym-Jomart Kemeluly Qazaqstan halqyna arnaǵan Joldaýynda birqatar naqty tapsyrmalar berdi. Negizgi bóligi elimizdiń áleýmettik-ekonomikalyq damýyna arnalǵan. Joldaý júktegen jaýapkershilik zor. Aldymyzda Joldaýdaǵy aiqyn baǵyttardy iske asyrý mindeti tur. Túrkistan oblysy – elimiz boiynsha halqy eń tyǵyz ornalasqan ári yntymaq-birligi jarasqan óńir. Óńirde halyqtyń ómir sapasyn jaqsartý men óńirdiń áleýmettik-ekonomikalyq damýy boiynsha aldymyzda atqaratyn aýqymdy sharalar jetkilikti. Sondyqtan alǵa qoiǵan maqsattar men mindetterdi júieli túrde oryndaýymyz qajet», – dedi Túrkistan oblysynyń ákimi Darhan Satybaldy.
Jetinshi shaqyrylymdaǵy oblystyq máslihattyń kezekti on jetinshi sessiiasynda Túrkistan oblysynyń Qazyǵurt, Otyrar jáne Saýran aýdandarynyń ákimshilik-aýmaqtyq qurylysynyń keibir máseleleri qaraldy. «Qazaqstan Respýblikasynyń ákimshilik-aýmaqtyq qurylysy týraly» Qazaqstan Respýblikasy Zańyna sáikes, oblystyq onomastika komissiiasynyń qorytyndysy negizinde, halyqtyń pikiri eskerile otyryp, Túrkistan oblysy Saýran aýdany Eski Iqan aýyldyq okrýgi aýmaǵynan eldi meken quryp, oǵan «Máshhúr Júsip» ataýy beriletin boldy.
Sessiia otyrysynda Túrkistan oblysynyń mádeniet basqarmasy basshysynyń basqarmaǵa júktelgen mindetter men fýnktsiialardyń atqarylýy jónindegi basqarma basshysy Á.Qoilybaevtyń esebi, oblystyq jer qatynastary basqarmasynyń aýyl sharýashylyǵy maqsatyndaǵy jerlerge júrgizilgen túgendeý jumystary boiynsha basqarma basshysy E.Tilegenniń esebi tyńdaldy. «Memlekettik-jekeshelik áriptestik jobalary boiynsha memlekettik mindettemelerdi qabyldaý týraly» sheshimine ózgeris engizý týraly másele qaralyp, bul jóninde oblystyq jolaýshylar kóligi jáne avtomobil joldary basqarmasynyń basshysy R.Ibragimov baiandama jasady. Kún tártibindegi basty máselelerdiń biri «2022-2024 jyldarǵa arnalǵan oblystyq biýdjet týraly» oblystyq ekonomika jáne strategiialyq damý basqarmasynyń basshysy Q.Qaiypbek baiandama jasady.
Sessiia jumysynda máslihat depýtattary 21 máseleni qarap, tiisti sheshimder qabyldady. Sessiia otyrysynda oblys ákimi birqatar azamattardy oblystyń qoǵamdyq ómirine belsene qatysqany jáne áleýmettik-ekonomikalyq damýyna qosqan úlesi úshin Qazaqstan Respýblikasy Prezidentiniń Alǵys hatymen, Túrkistan oblysynyń Qurmet Gramotasymen, «Úzdik depýtat» tósbelgisimen marapattady.
