Keshe aptalyq apparattyq májiliste Túrkistan oblysynyń ákimi Ómirzaq Shókeev Túrkistan kógildir otynmen tolyq qamtylatynyn málimdedi, – dep habarlaidy «Ult aqparat».
Óńir basshysy shahardyń teń jartysynan astam aýmaǵynda gaz qubyrlary júrgizilip qoiǵanyn, halyqqa kómirden góri, kógildir otyndy qoldanǵan ekologiialyq ári qarjy jaǵynan tiimdi ekendigin túsindirý jáne qamtamasyz etý jaýapty mekeme qyzmetkerlerine tapsyrylǵanyn aitty.
«Qalany sektorlarǵa bólip, jylytý maýsymyna daiyndyqty kúsheitý kerek. Túrkistan qalasyn gazben qamtý, kógaldandyrý jáne ekologiialyq jaǵdaiyn jaqsartýdy myqtap qolǵa alý qajet. Arys tájiribesin qoldanyp, sapasyna qatysty talapty da dál sol deńgeide júrgizýimiz kerek» dedi Ómirzaq Shókeev.
