QR Indýstriia jáne infraqurylymdyq damý ministrligi Túrkistan qalasynyń «Hazret Sultan» jańa áýejaiynan ushyrý josparlanǵan reister týraly málim etti, dep habarlaidy "Ult aqparat".
«Nurly jol» infraqurylymdy damytýdyń 2020-2025 jyldarǵa arnalǵan memlekettik baǵdarlamasyna jáne Túrkistan oblysyn áleýmettik-ekonomikalyq damytýdyń 2024 jylǵa deiingi keshendi josparyna sáikes, qazirgi ýaqytta Túrkistan qalasynyń jańa halyqaralyq áýejaiynyń qurylysy júrgizilýde.
Qurylysty aiaqtaý 2020 jyldyń qyrkúiek aiynyń sońynda josparlanyp otyr.
Búginde Túrkistannan Nur-Sultan men Almatyǵa «Fly Arystan», «Qazaq Air» jáne «SCAT» aviakompaniialary reisterdi josparlap otyr.
Sondai-aq, Túrkistan qalasyn Qazaqstannyń basqa oblys ortalyqtarymen bailanystyrý kózdelgen.
Budan basqa, «Turkish Airlines» aviakompaniiasymen bastapqy kezeńde aptasyna 3-4 reis jiiligimen Túrkiiadan Túrkistanǵa reister oryndaý qarastyrylýda. Reister sany ulǵaitylýy yqtimal.
Sonymen qatar, basqa sheteldik aviakompaniialar Ázerbaijannan, Reseiden jáne Birikken Arab Ámirlikterinen Túrkistanǵa halyqaralyq reister ashý máselesin qarastyrýda.
«Hazret Sultan» atalatyn Túrkistan qalasy áýejaiynyń negizgi parametrleri: jalpy aýdany – 905,3 ga, jasandy ushyp-qoný jolaǵy: 3 300 h 45 m, jolaýshylar terminalynyń aýdany – 1,5 myń m2, ótkizý qabileti – saǵatyna 450 jolaýshy.
