Túrkistan-Almaty reisi 30 jolaýshyny tastap ketti. Áýe kompaniiasynyń ókilderi qalyptasqan jaǵdaiǵa qatysty túsinikteme berdi, dep habarlaidy "Ult aqparat".
Ushaq jolaýshylary áleýmettik jelide áýe kompaniiasynyń qyzmetine shaǵymdandy.
FlyArystan baspasóz qyzmeti 12 sáýirde Túrkistan-Almaty baǵytymen ushyp shyqqan KC7162 reisiniń 30-ǵa jýyq jolaýshysy keshigip, reiske úlgermei qalǵanyn aitty.
«Bul reistiń ushýy saǵat 12:40-qa josparlanǵan. Tasymaldaý erejelerine sáikes, osy reiske tirkelý ushýǵa 40 minýt qalǵanda, iaǵni saǵat 12:00-de jabylǵan, ol tirkeý júiesinde, sondai-aq Túrkistan halyqaralyq áýejaiynyń beinebaqylaý kameralarynda jazyldy.
146 jolaýshysy bar ushaq keste boiynsha ushyp ketti. Al reiske keshigip kelgen jolaýshylarǵa áýe kompaniiasynyń qyzmetkerleri barlyq erejelerdi túsindirdi. Sonymen qatar, klientterdi qoldaý qyzmetine shaǵym túsirýge quqyly ekenderin aitty.
«Alaida jolaýshylar FlyArystan qyzmetkerlerin tyńdaýdan bas tartyp, ashýǵa boi aldyryp, áýe kompaniiasynyń múlkine qasaqana ziian keltirdi», - dep habarlady kompaniiadan.
