Túrki tildes memleketter yntymaqtastyǵy keńesiniń beiresmi sammitinde «Túrkistan deklaratsiiasy» qabyldandy, dep habarlaidy "Ult aqparat".
«Keńesimizdiń mártebesin arttyryp, institýtsionaldy qurylymyn nyǵaitý maqsatynda ony tolyqqandy uiymǵa ainaldyrý ýaqyt talaby. Osy usynysty sammit qorytyndysy boiynsha qabyldanatyn «Túrkistan deklaratsiiasyna» engizip, bekitýdi usynamyn», - dedi Qazaqstan Prezidendi Qasym-Jomart Toqaev.
Sammit barysynda Memleket basshysy búgingi tarihi basqosýdy túiindei kele, tutas Túrki álemi mańyz zor «Túrkistan deklartsiiasyn» qabyldaýdy usyndy. Qatysýshy taraptar biraýyzdan ortaq kelisimin bildirdi.
«Barshańyzdy deklaratsiiasynyń qabyldanýymen quttyqtaimyn. Osymen beiresmi sammittiń jumysy aiaqtaldy. Birligimiz jarasyp, Naýryzdan Naýryzǵa birge jete bereiik», - dedi QR Prezidenti.
Aita keteiik, beiresmi sammitti Memleket basshysy Qasym-Jomart Toqaev ashyp, júrgizdi. Jiynǵa Qazaqstan Respýblikasynyń Tuńǵysh Prezidenti – Elbasy Nursultan Nazarbaev, Túrkiia Prezidenti Rejep Taiip Erdoǵan, Ázerbaijan Prezidenti Ilham Áliev, Ózbekstan Prezidenti Shavkat Mirziioev, Qyrǵyzstan Prezidenti Sadyr Japarov, Túrikmenstan Prezidenti Gýrbangýly Berdimuhamedov, Vengriia Premer-ministri Viktor Orban, Túrki tildes memleketterdiń yntymaqtastyq keńesiniń Bas hatshysy Baǵdad Ámireev qatysty.
