Túrki tildes memleketter yntymaqtastyǵy keńesiniń beiresmi sammitinde Ázerbaijan Prezidenti Ilham Áliev qatysty, dep habarlaidy QazAqparat.
«Osy sammiti uiymdastyrǵandarǵa erekshe alǵysymdy aitqym keledi. Osy oraida Qazaqstan Tuńǵysh Prezidenti Nursultan Nazarbaevqa rizashylyǵymdy bildiremin. Nursultan Ábishulynyń eńbegi zor, Túrki keńesiniń qurmetti tóraǵasy retinde osy sammitti uiymdastyrýǵa aýqymdy úlesin qosty», - dedi I. Áliev.
Sonymen qatar Ázerbaijan Prezidenti Taýly Qarabaqtaǵy janjaldyń rettelýine qatysty óz pikirin aitty. Osy oraida ol bul másele boiynsha ótken jyldarda bolǵan faktilerge toqtaldy.
«Biz ózimizdiń ustanymdarymyz boiynsha jumystardy atqardyq. Qarashada Ázerbaijan, Resei prezidentteri, Armeniianyń Premer-Ministri tiisti málimdemege qol qoidy. Osy oraida Ázerbaijannyń jerleri qaitaryldy. Biz atalǵan aýmaqtaǵy eldi mekenderdi qalpyna keltirý jumystaryn atqaryp jatyrmyz», - dedi I. Áliev.
Sóz sońynda ol atalǵan máselede memlekettiń aýmaqtyq tutastyǵy boiynsha Túrki tildes memleketter yntymaqtastyǵy keńesine jáne basqa da uiymdarǵa alǵysyn aitty.
Aita keteiik, beiresmi sammitti Memleket basshysy Qasym-Jomart Toqaev ashyp, júrgizdi. Jiynǵa Qazaqstan Respýblikasynyń Tuńǵysh Prezidenti – Elbasy Nursultan Nazarbaev, Túrkiia Prezidenti Rejep Taiip Erdoǵan, Ázerbaijan Prezidenti Ilham Áliev, Ózbekstan Prezidenti Shavkat Mirziioev, Qyrǵyzstan Prezidenti Sadyr Japarov, Túrikmenstan Prezidenti Gýrbangýly Berdimuhamedov, Vengriia Premer-ministri Viktor Orban, Túrki tildes memleketterdiń yntymaqtastyq keńesiniń Bas hatshysy Baǵdad Ámireev qatysty.
