2019 jyly Qazaqstannyń turǵyn úi qurylys jinaq bankiniń depozit salymshylary 771,2 mlrd teńge jinady, dep habarlaidy QazAqparat tilshisi.
Salymshylar turǵyn úi qurylys jinaq júiesi arqyly qarajat jinaqtai otyryp, bolashaq baspanasyn satyp alý úshin nesieni jyldyq 8,5% mólsherlemesimen ala alady. Biyl tiimdi sharttar boiynsha turǵyn úige qol jetkizý múmkindigin Turǵyn úi qurylys jinaq bankiniń 48414 klienti paidalandy. Ótken jyly nesie alǵandardyń sany 10 myńǵa az bolǵan.
«Biyl 392 myń depozit ashtyq jáne ony jyl sońyna deiin 400 myńǵa jetkizemiz dep otyrmyz. Salymshylardyń sany bir jarym millionǵa jetti, bul rekordttyq kórsetkish», - dedi «Qazaqstannyń turǵyn úi qurylys jinaq banki» AQ basqarma tóraiymy Lázzat Ibragimova baspasóz máslihatynda.
Sondai-aq, ol «Baqytty otbasy» baǵdarlamasy boiynsha turmysy tómen 4053 qazaqstandyq otbasy qonys toiyn toilap, páterlerinde turyp jatqandyǵyn atap ótti. «Nurly jer» baǵdarlamasy boiynsha 8 myń nesie berildi. Baǵdarlama boiynsha áskeri qyzmetshilerge 3 811 nesie berildi.
2019 jyldyń sońynda banktiń nesie portfeli 1 trln teńgeni qurady.
