Parlament Májilisiniń jalpy otyrysynda «Qazaqstan Respýblikasynyń Úkimeti men Qyrǵyz Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly» zań jobasy maquldandy, dep habarlaidy QazAqparat.
Kelisimge 2019 jylǵy 27 qarashada Qyrǵyz Respýblikasynyń astanasy Bishkekte qol qoiyldy.
«Bul qujat azamattyq týraly aqparat almasýǵa, zańsyz kóshi-qonmen kúresýge múmkindik beredi. Naqty aitsaq, statistika men aqparat almasýǵa múmkindik bar. Azamattar týraly jeke aqparat alýǵa bolady. Eki el úkimetteri tájiribe almasyp, bir-birine tájiribelik kómek kórsetedi. Qazaqstan men Qyrǵyzstan azamattarynyń quqyqtyq mártebesi anyqtalady. Kóshi-qon salasyndaǵy qylmystarmen kúresip, zańsyz arnalardy joiýǵa múmkindik beredi», - dedi QR Ishki ister ministri Erlan Turǵymbaev.
Onyń aitýynsha, Qyrǵyzstan Parlamenti kelisimdi 2021 jyly 17 aqpanda bekitti. Ótken jyly Qazaqstanǵa Qyrǵyzstannan 281 myńnan astam adam keldi, al osy jyly eki aida 22 myńnan asty. Qazaqstannan 175 myń azamat kórshi elge barǵan, sondai-aq biyl eki aida 20 myńnan asty.
«Qazirgi kezde Ishki ister ministrligi kóshi-qon boiynsha 23 halyqaralyq kelisimdi bekitti. Halyqaralyq deńgeide taǵy da 8 kelisim daiyndalyp jatyr. Osy qujattar nátijesinde zańsyz kóshi-qon boiynsha aqparat almasý jolǵa qoiyldy. Adamdardy basqa elderge qaitarý máselesi sheshildi. Sheteldikterdiń Qazaqstan bolý merzimi anyqtalady. Qos azamattyqqa jol bermeý máseleleri sheshildi», - dedi ministr.
