IIM-de ishki ister organdary jumysynyń qorytyndysy shyǵarylǵan keńeitilgen alqa otyrysy ótti. Bul týraly ministrliktiń baspasóz qyzmeti habarady.
Jiynda eldegi qylmys deńgeii tómendeýiniń oń dinamikasy baiqalǵany atalyp ótildi.
Aýyr qylmystar, densaýlyqqa aýyr ziian keltirý, qaraqshylyq, tonaý, zorlaý, urlyq, mal urlyǵy, buzaqylyq sany azaiǵan. Kámeletke tolmaǵandar tarapynan oryn alǵan qylmystar 40%-ǵa, mas kúiinde jasalǵandary 20%-ǵa tómendegen, qoǵamdyq oryndarda jáne kóshelerdegi quqyq buzýshylyq sany úshten birge qysqarǵan.
Jiynda sóz alǵan Ishki ister ministri Erlan Turǵymbaev internet-alaiaqtyqtyń sany arta túskenine nazar aýdardy.
Basqosýda uiymdasqan qylmys pen esirtki biznesine qarsy is-qimyl jónindegi jumystyń jai-kúii jeke qaraldy. Jyl basynan beri 2 tonnaǵa jýyq esirtki, onyń ishinde
Alqa otyrysyna qatysqandar qoǵamdyq tártipti saqtaý máselelerine erekshe nazar aýdardy.
«Memleket basshysynyń tapsyrmasyna sáikes ýchaskelik inspektordyń mártebesin arttyrý jáne onyń tiimdi jumys isteýi úshin qajetti ókilettikterin keńeitý boiynsha sharalar qabyldanýda. Aýyldyq jerlerde qyzmettik turǵyn úimen japsarlas ýchaskelik pýnktter salynýda. Óz rezervteri esebinen ýchaskelik politsiia qyzmetiniń shtaty qosymsha ulǵaitylatyn bolady.
IIM júiesinde 2021 jyl quqyq buzýshylyqtyń aldyn alý jáne «jurtqa jaqyn politsiia» qaǵidatyn qamtamasyz etý jyly dep jariialandy. Qalalarda 58 modýldik statsionarlyq politsiia beketteri ornatyldy. Jalpy 5 jyl ishinde osyndai 176 beket ornatý josparlanýda. Qoǵamdyq oryndar men avtojoldarda politsiiany shuǵyl shaqyrý úshin «SOS» dabyl túimelerin ornatý pysyqtalýda» - dep atap ótti Erlan Turǵymbaev.
Alqa jumysy barysynda óńirlik politsiia departamentteri men qylmystyq-atqarý júiesiniń birqatar basshylarynyń esebi tyńdaldy.
Vedomstvo basshysy búginde jeke quramdy áleýmettik qorǵaýdy jaqsartý boiynsha teńdessiz sharalar qabyldanǵanyn atap ótti. Jalaqyny kóterý múmkindikteri qarastyrylǵan. Turǵyn úidi jaldaý úshin ótemaqy alýǵa quqyǵy bar laýazymdar tizbesi keńeitildi. Áskeri qyzmetshilerge uqsas turǵyn úi tólemderi tetigin kózdeitin zań qabyldandy.
«Qyzmet atqarý úshin qajetti jaǵdailar jasalýda. Memleket basshylyǵynyń senimin aqtaý kerek. Árbir politseidi bul adal jumys isteýge yntalandyrady. Bizge júktelgen jaýapkershilikti túsinip, saýatty jáne adal jumys isteýimiz kerek», - dedi Erlan Turǵymbaev.
Alqa jumysyn qortyndylaý kezinde Ministr aldaǵy kezeńge arnalǵan mindetterdi aiqyndady.
Sonyń biri – jaiaý patrýlderdiń, sonyń ishinde zamanaýi tehnologiialardy paidalana otyryp, qyzmet atqarýynyń tiimdiligin arttyrý.
Quqyq buzýshylyqtardyń aldyn alýdy kúsheitý jáne halyq úshin ýchaskelik politsiia inspektorlarynyń qoljetimdiligin qamtamasyz etý basym baǵyt bolyp tabylady.
Budan ári Erlan Turǵymbaev jol infraqurylymyn jaqsartý úshin ákiletti organdarmen birlesip, jol qozǵalysy qaýipsizdigin baqylaýdy kúsheitýdi jáne tiisti sharalar qabyldaýdy tapsyrdy.
Ol óz sózinde qazirgi karantin jaǵdaiynda kóshi-qonǵa senimdi baqylaýdy qamtamasyz etý máselesi asa mańyzy ekenin atap ótti.
Sondai-aq urlyqtyń, onyń ishinde IIM-niń 2021-2023 jyldarǵa arnalǵan múlikti qorǵaý jónindegi baǵdarlamasyn iske asyrý sheńberinde mal urlyǵynyń, sonymen birge aqparattyq tehnologiialar kómegimen jasalatyn alaiaqtyqtyń aldyn alý boiynsha sharalar ázirleý qajettigin jinalǵandardyń qaperine saldy.
Ministr sondai-aq, jeke quram arasynda zańdylyq pen tártiptiń saqtalýyna, kadr saiasatyn jetildirýge, qoǵam men halyqtyń úmitine sáikes keletin «jańa formattaǵy» politsiia qyzmetkerin qurýǵa erekshe nazar aýdardy.
«IIM politsiia departamenti men qylmystyq-atqarý júiesiniń árbir bastyǵynyń qyzmetin baǵalaý kriteriilerin ázirleýge kiristi. Onda halyqtyń senim deńgeii, qoǵammen ózara is-qimyl jáne jeke quram arasyndaǵy sybailas jemqorlyqqa qarsy is - qimyl mindetti túrde eskeriletin bolady», - dep atap ótti vedomstvo basshysy.
