QR Premer-Ministri Asqar Mamin halyqty jumyspen qamtý sharalary boiynsha ministrlikter men ákimdikterge birqatar tapsyrma berdi, dep habarlaidy QazAqparat.
«Halyqty jumyspen qamtý Úkimettiń mańyzdy mindeti bolyp tabylady. Pandemiiany eskere otyryp, keshendi sharalar qabyldandy, onyń ishinde «Eńbek» memlekettik baǵdarlamasynyń quraldary kúsheitildi, Jumyspen qamtýdyń jol kartasy iske asyryldy. Biyl Jumyspen qamtýdyń jol kartasy aiasynda turaqty jumys oryndaryn qurýǵa jáne óńirlerdiń áleýmettik infraqurylymyn jaqsartýǵa nazar aýdaryldy. Birinshi toqsan boiynsha «Eńbek» baǵdarlamasymen 158 myń adam qamtylǵan. Jyl sońyna deiin 1,2 million adamǵa jumyspen qamtýǵa járdem kórsetiledi», - dep atap ótti Premer-Ministr Úkimettiń búgingi otyrysynda.
Onyń aitýynsha, naqty jalaqy mólsheri 10 paiyzǵa, iaǵni 221 myń teńgege deiin artady dep josparlanyp otyr. Jumyssyzdyq deńgeii 4,9 paiyzdan aspaidy.
«Pavlodar, Qaraǵandy jáne Atyraý oblystarynda turaqty jumys oryndaryn qurý jumysynyń qarqyny jaqsy. Ózge óńirlerge de osy baǵyttaǵy jumysty belsendi jalǵastyrý kerek. Ol úshin barlyq quraldar men qajetti resýrstar bar. «Bastaý biznes» jobasy tiimdiligin kórsetti. Biyl 30 myń adamdy kásipkerlik negizderine oqytý josparlanyp otyr. «Atameken» palatasy Eńbek ministrligimen birlesip, bilim alýshylardyń sanyn kóbeitsin. «Eńbek» ulttyq jobasy ekonomika salalaryn sapaly básekege qabiletti eńbek resýrstarymen qamtamasyz etýi tiis», - deidi A. Mamin.
Osyǵan bailanysty Úkimet basshysy ministrlikterge birqatar tapsyrma berdi.
«Birinshi, Eńbek ministrligi 1 maýsymǵa deiin 2021-2025 jyldarǵa arnalǵan «Eńbek» ulttyq jobasyn Úkimetke engizsin. Qoldaý sharalaryn nysanaly toptardyń problemalary men qajettilikterin eskere otyryp baǵyttaý kerek. Ekinshi, Ulttyq ekonomika, Eńbek ministrlikteri men ákimdikter 1 shildege deiin jumyspen qamtýdyń óńirlik kartalaryn ázirlesin. Jumyspen qamtýdyń josparly kórsetkishterine qol jetkizýge jáne turaqty jumys oryndaryn qurýǵa erekshe nazar aýdarý qajet. Úshinshi, Eńbek, Qarjy, Ulttyq ekonomika ministrlikteri men óńirlerdiń ákimdikteri «Eńbek» jobasynyń is-sharalaryn qarjylandyrýdy qamtamasyz etsin», - dedi Asqar Mamin.
