Búgin velosporttan áigili «Týr de Frans» dodasynyń altynshy kezeńi aiaqtalyp, «Astana» komandasy men Qazaqstan quramasynyń kapitany Aleksei Lýtsenko jeńiske jetti. Bul týraly Olympic.kz saity habarlady.
Altynshy kezeńde sportshylar Le Tei men Egýal arasyndaǵy 191 shaqyrymdy júrip ótti. Máre syzyǵy Egýalda ornalasty.
Qazaqstandyq Aleksei Lýtsenko qarsylastarynan qara úzip, márege birinshi bolyp jetti. Ol jarys kezinde pelotonnan alty minýtqa ozyq júrdi. Al márege jaqyn tusta Lýtsenko men negizgi toptyń arasy úsh minýtty qurady.
Degenmen, Fabio Arý (UAE Team Emirates) men Hesýs Errada (Cofidis) bizdiń sportshyǵa aitarlyqtai qarsylyq kórsetti. Alaida, jarys jolynyń aiaqtalýyna on shaqyrym qalǵanda Arýdan qaýqar ketti, al Errada sońyna deiin kúresti. Qalai bolǵanda da Lýtsenko qarsylasynan oq boiy ozyp, márege birinshi bolyp keldi.
H.Errada – ekinshi, Greg van Avermet (CCC Team) úshinshi boldy.
