بٷگٸن ۆەلوسپورتتان ەيگٸلٸ «تۋر دە فرانس» دوداسىنىڭ التىنشى كەزەڭٸ اياقتالىپ, «استانا» كومانداسى مەن قازاقستان قۇراماسىنىڭ كاپيتانى الەكسەي لۋتسەنكو جەڭٸسكە جەتتٸ. بۇل تۋرالى Olympic.kz سايتى حابارلادى.
التىنشى كەزەڭدە سپورتشىلار لە تەي مەن ەگۋال اراسىنداعى 191 شاقىرىمدى جٷرٸپ ٶتتٸ. مەرە سىزىعى ەگۋالدا ورنالاستى.
قازاقستاندىق الەكسەي لۋتسەنكو قارسىلاستارىنان قارا ٷزٸپ, مەرەگە بٸرٸنشٸ بولىپ جەتتٸ. ول جارىس كەزٸندە پەلوتوننان التى مينۋتقا وزىق جٷردٸ. ال مەرەگە جاقىن تۇستا لۋتسەنكو مەن نەگٸزگٸ توپتىڭ اراسى ٷش مينۋتتى قۇرادى.
دەگەنمەن, فابيو ارۋ (UAE Team Emirates) مەن حەسۋس ەررادا (Cofidis) بٸزدٸڭ سپورتشىعا ايتارلىقتاي قارسىلىق كٶرسەتتٸ. الايدا, جارىس جولىنىڭ اياقتالۋىنا ون شاقىرىم قالعاندا ارۋدان قاۋقار كەتتٸ, ال ەررادا سوڭىنا دەيٸن كٷرەستٸ. قالاي بولعاندا دا لۋتسەنكو قارسىلاسىنان وق بويى وزىپ, مەرەگە بٸرٸنشٸ بولىپ كەلدٸ.
ح.ەررادا – ەكٸنشٸ, گرەگ ۆان اۆەرمەت (CCC Team) ٷشٸنشٸ بولدى.
