Jelide Qostanaida oqýshylar arasynda bolǵan jantúrshigerlik tóbelestiń videosy tarady, - dep habarlaidy Tengrinews.kz.
Videoda sport alańynda mektep oqýshylary tóbelesip, biri ekinshisin tunshyqtyrǵany kórsetilgen. Tunshyqqan bala esinen tanyp jerge qulaidy, al qarsylasy ketip qalady. Al, basqa balalar fýtbol alańyn ainala qorshap tamashalaidy.
Jeli qoldanýshylary balalardyń qatygezdigine ǵana emes, video avtorynyń terezeden aiǵailap bolsyn tóbelesti toqtatpaǵanyna ashýlandy.
PD málimetinshe, oqiǵa qala aýdandarynyń birindegi sport alańynda bolǵan. Tóbelesken balalar nebári 9 jáne 10 jasta eken.
"Iývenaldy politsiia qyzmetkerleri jasóspirimder arasynda tóbeles bolǵanyn anyqtady. 9 jasar bala tunshyqtyrý saldarynan jerge qulaǵan. Balalar ata-analaryna eshteńe aitpaǵan. Ata-analary tóbeles týraly WhatsApp jelisinde taraǵan videodan bilgen. Búgin bul fakt mekteptegi jasóspirimderdiń ata-analary, muǵalimder men iývenaldy politsiia qyzmetkerleri shaqyrylǵan profilaktikalyq keńeste qaralady", - dep habarlady Qostanai oblysynyń politsiia departamentiniń baspasóz qyzmeti.
