"Million" KVN komandasy "HabarLike" baǵdarlamasynda qonaqta bolyp, "Jezdýha" filmindegi gonorary qymbat akterdi atady, dep habarlaidy "Ult aqparat" El.kz aqparat agenttigine silteme jasap.
Ázilkeshterdiń alǵashqy filmine áigili Tuńǵyshbai Jamanqulov túsken. Olar aty ańyzǵa ainalǵan akterge qalaǵan gonoraryn tólep berýge daiyn bolǵanyn atap ótti.
"Kinomyzǵa Tuńǵyshbai Jamanqulov aǵamyz tústi. Ol kisi bir qysqa ázilge bola kerek boldy bizge. Ol kisi qansha gonorar surasa da, oǵan jarasady. Biz úshin qymbattaý boldy. Biraq ol kisi úshin óz baǵasy bar. Jarty saǵatqa 800 myń teńge berdik. Kinoda on sekýnd ǵana. Keshe qarap otyrsaq, Tuńǵyshbai atamyz túsken sahna halyqty qatty kúldirdi. 800 myń teńge aqtaldy", - dedi Qanat Tashan.
Ázilkeshter gonorary qansha qymbat bolǵanymen, atalmysh sahna óz aqshasyn tolyǵymen aqtaǵanyn jetkizdi.
