12-aqpanda «Tumar» I Ulttyq televiziialyq báigesine qatysý boiynsha ótinimderdi qabyldaý bastalady.
Báigeni uiymdastyrýshy – «Qazmedia ortalyǵy», Qazaqstan Respýblikasy aqparat jáne kommýnikatsiialar ministrliginiń qoldaýymen. Maqsaty – elimizdiń eń sapaly jáne ózekti ónimin anyqtaý arqyly qazaqstandyq sapaly televidenieni damytý, ilgeri jyljytý, televiziialyq ónim jasaýshy talanty kásibi mamandardy qoldaý.
Báigege 2016 jyly efirge shyqqan televiziialyq airyqsha jobalar qatysady. Televiziialyq ónim jasap otyrǵan ulttyq jáne aimaqtyq telekompaniialar, stýdiialar, prodiýserlik ortalyqtar jáne basqa da media óndiris uiymdary úmitker retinde qatysý úshin 24.02.2017 deiin ótinish joldaidy.
«Tumar» statýetkasy 12 atalym boiynsha beriledi: Úzdik derekti kino; Úzdik áleýmettik joba; Úzdik aqparattyq baǵdarlama; Úzdik aqparattyq-saraptamalyq baǵdarlama; Úzdik mýzykalyq baǵdarlama; Úzdik tok-shoý; Úzdik televiziialyq serial; Úzdik ázil-ysqaq baǵdarlamasy; Televiziialyq maýsymnyń úzdik jobasy; Televidenieniń damýyna úles qosqany úshin; Úzdik aimaqtyq aqparattyq baǵdarlama; Úzdik aimaqtyq áleýmettik baǵdarlama.
Qazylar alqasy joldanǵan materialdardy saraptap, qarap shyǵyp, jasyryn daýys berý arqyly laýreattardy anyqtaidy. Qazylar alqasy qazaqstandyq televidenieniń eń kásibi mamandarynan jasaqtalady.
Qosymsha aqparat resmi saitta: www.tumar.kz, call center +7(7172) 55-36-36, elektrondyq meken-jai info@tumar.kz
"Ult aqparat"
