Almaty oblysynyń Qaratal aýdanynda 50 otbasy baspanaly boldy, - dep habarlaidy QazAqparat.
Búgin Tunǵysh Prezident kúninde Úshtóbe qalasynyń Shańyraq shaǵyn aýdanynda jəne Kókdala kóshelerinde ornalasqan kópqabatty jáne jeke turǵyn úiler paidalanýǵa berildi.
Saltanatty sharaǵa aýdan ákimi Qairat Naimanbaiuly men aýdandyq maslihat hatshysy Baqyt Jeksembiuly qatysyp, 50 otbasyna páter kiltin tabystady.
Respýblikalyq biýdjetten bólingen 223 mln 972 myń teńge, oblystan bólingen 95 mln 799 myń teńgege Shańyraq shaǵyn aýdanyndaǵy otyz páterli turǵyn úi salyndy. 2019 jyldyń qarashasynan bastap Úshtóbe qalasyndaǵy Kókdala shaǵyn aýdanynda 20 jalǵa beriletin jeke turǵyn úi «Qolqanat qurylys» JShS-men kelisimshart jasalyp, respýblikalyq biýdjetten 180 mln 404 myń, oblystyq biýdjetten 100 mln 432 myń bólinip, biyl qurylysy tolyqtai aiaqtaldy. Atalǵan úi aýdan boiynsha kezekte turǵan muqtaj azamattarǵa berildi.
«Merekedegi jańa qonystaryńyz qutty bolsyn!. Memlekettiń osyndai igi isteri aldaǵy ýaqytta da jalǵasyn tabatyn bolady»,- dedi aýdan ákimi.
