Tuńǵysh Prezident qory balalarǵa arnaiy qaýipsizdik jolaqshalary bar oqýshylar sómkesin syilady, dep habarlaidy "Ult aqparat" qordyń baspasóz qyzmetine silteme jasap.
1 tamyzdan bastap elimizdiń barlyq aimaqtarynda jyl saiynǵy «Mektepke jol» jalpyulttyq aktsiiasy ótkizilýde. Onyń maqsaty – oqý jylynyń bastalýyna daiyndyq kezinde az qamtamasyz etilgen jáne kóp balaly otbasylardan shyqqan oqýshylarǵa qoldaý kórsetý.
Bul aktsiiaǵa qatysý QR Tuńǵysh Prezidenti – Elbasynyń qory úshin dástúrge ainaldy.
10 jyl ishinde qordyń atynan Qazaqstannyń barlyq aimaqtarynan 9 myń balaǵa mektep sómkeleri men keńse taýarlary túrinde materialdyq kómek kórsetildi. Bul jyly 500 balaǵa mektepke daiyndalý úshin jaǵdai jasaldy. Onyń ústine sómkeler sporttyq kiimmen tolyqtyryldy.
Búginde aktsiia Nur-Sultan, Almaty, Qostanai, Petropavl qalalaryn jáne Qazaqstannyń birqatar shaǵyn qalalaryn qamtydy. Mektep sómkeleri tek qalalar ǵana emes, sonymen qatar elimizdiń osy aimaqtarynyń shalǵaidaǵy aýyldaryna da jetkizildi.
Biyl «Mektepke jol» keń aýqymdy aktsiiasy Aqmola oblysy Qorǵaljyn aýylynda uiymdastyrylǵan «Uly dala mádenietindegi qustardyń simvolikasy» atty respýblikalyq shyǵarmashylyq festivali barysynda uiymdastyryldy. Festivalǵa Resei Federatsiiasy jáne Qyrǵyz Respýblikasyn qosqanda 150 bala qatysty.
Mektep sómkeleri jaryq shaǵylystyratyn elementtermen jabdyqtalǵan. Bul balanyń qaýipsizdigne asa qajet. Sondai-aq ár sómkeniń ishine tótenshe jaǵdai kezinde qajet qaýipsizdik jadnamasy, qalta shamy, dabyl quraly (ysqyryq) salynǵan.
