Túrkistan oblysy, Túlkibas aýdanynda 100 balaǵa shaqtalǵan «Jas daryn» jeke balabaqshasy paidalanýǵa berildi, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Saltanatty sharaǵa aýdan ákiminiń orynbasary E.Ormanov, aýdandyq adami áleýetti damytý bóliminiń basshysy E.Qadirbek, okrýg ákimi M.Telǵaraev qatysyp, aýyl turǵyndaryn quttyqtady.
Aýdan ákiminiń orynbasary áleýmettik nysandy jeke óz qarjysyna soqqan Baibatshaev Temirjan Asaiulyna aýdan ákiminiń quttyqtaýyn jetkizip, Alǵys hatyn tabys etti.
Osy ýaqytqa deiin eski ǵimaratta mektepke daiarlyq bilimin alyp kelgen Balyqty aýylynyń búldirshinderi endi jańa, barlyq standartqa sai balabaqshaǵa kóshiriledi.
Búginde aýdanda 51 mektepke deiingi uiym bar. Onyń ishinde 48 balabaqsha, 3 shaǵyn ortalyq qyzmet kórsetýde. Balalardy mektepke deiingi oqytý jáne tárbiemen qamtý kórsetkishi 100 paiyzdy quraidy.
Qazirgi tańda aýdanymyzda barlyq balabaqshalarǵa kezekke qoiý, joldama berý, qabyldaý «balabaqsha.snation.kz» júiesimen avtomattandyrylǵan. Endigi kezekte balalardyń balabaqshaǵa kelýin esepke alýdy avtomattandyrý jumystary júrgiziletin bolady. Bul naqty balanyń kelip-ketýin baqylaityn ashyq júie bolmaq. Sonymen qatar aldaǵy ýaqytta balabaqsha pedagogterine arnalǵan oqý-ádistemelik keshenimen, kómekshi materialdardan turatyn «bilimkids. kz» onlain bilim berý platformasyn engizý jumystary iske aspaq. Bul óz kezeginde tárbieshilerdiń bilimin shyndap, zamanaýi oqý-protsesterin meńgerýge zor septigin tigizbek.
