Aqtóbe oblystyq Memlekettik múlik jáne jekeshelendirý departamenti aýla ishinde týdy órtegen. Qyzmetkerler áleýmettik jelige tarap ketken beinematerialǵa qatysty túsinik berdi, - dep habarlaidy Massaget.kz portaly.
Jelide QR Qarjy ministrliginiń Memlekettik múlik jáne jekeshelendirý komiteti oblystyq Memlekettik múlik jáne jekeshelendirý departamentiniń qyzmetkerleri aýla ishinde tý órtegen video tarady. Ol kópshiliktiń ashýyn týǵyzdy.
"Aqtóbe Memlekettik múlik jáne jekeshelendirý departamenti 12 qyrkúiekte arnaiy komissiia esepten shyǵarǵan týdy jaqty. Ulttyq standarttarǵa sáikes kelmeitin Qazaqstan Respýblikasynyń Memlekettik Týyn, Memlekettik Eltańbasyn aýystyrý jáne joiý qaǵidalarynyń 2-tarmaǵynyń 6-tarmaqshasyna sáikes uzaq ýaqyt paidalaný saldarynan jaramsyz bolǵan Qazaqstan Respýblikasynyń Memlekettik týlaryn jáne olardy qaita qoldaný múmkindigin boldyrmaý maqsatynda órteldi", - dep habarlady memlekettik mekeme basshysy Qablan Qambarbekov.
