Facebook áleýmettik jelisindegi taspada qoldanýshylardyń dostary men týystarynyń jańalyqtary jii shyǵyp, kompaniialar men BAQ-tyń habarlamalary sirek kórinetin bolady. Bul týraly áleýmettik jeliniń jasaýshysy Mark Tsýkerberg málim etti, dep habarlaidy TASS.
«Alǵashqy ózgerister jańalyqtar taspasyna qatysty bolmaq. Sizder (qoldanýshylar) ol jerden dostaryńyz, otbasyńyz jáne toptar týraly aqparatty jii kóretin bolasyzdar. Sebebi, biz osy jospardy birinshi orynǵa qoimaqpyz. Al, kompaniialardyń, brendter men BAQ-tyń jariialaǵan materialdary taspadan sirek kórinedi», - dep jazdy Tsýkerberg óziniń áleýmettik jelidegi paraqshasynda.
Onyń aitýynsha, bul jańashyldyqty engizýge birneshe ai qajet bolady.
Facebook-ti 2004 jyldyń 4 aqpanynda Tsýkerberg pen onyń úsh kýrstasy Garvard ýniversitetinde oqyp júrip ashqan bolatyn. Onyń aýditoriiasy álem boiynsha 2 mlrd qoldanýshydan astam. Budan buryn Tsýkerberg 2030 jylǵa deiin áleýmettik jeliniń qoldanýshylaryn 5 mlrd-qa jetkizetinin málimdegen edi.
