Densaýlyq saqtaý ministri Aleksei Tsoi koronavirýsqa qarsy qazaqstandyq vaktsina óndirisi týraly aitty, - dep habarlaidy Tengrinews.kz.
"Ǵylymi-zertteý institýty biologiialyq qaýipsizdik máseleleri bazasynda alǵashqy seriiany shyǵardy. Klinikalyq zertteý nátijeleri boiynsha tehnikalyq esepterdiń daiyn bolýyn kútemiz. Olar sáýirdiń sońyna deiin daiyn bolýy kerek. Vaktsinatsiiaǵa daiyndalyp jatyrmyn jáne sizdermen birge qazaqstandyq vaktsinany saldyrýǵa daiynmyn", - dedi Tsoi OKQ brifinginde.
Onyń aitýynsha, ónerkásiptik aýqymda qazaqstandyq vaktsinany óndirý aldaǵy ailarda bastalmaidy.
"Qazir óndiristi iske qosý kesteleri pysyqtalyp jatyr. Jaqynda tehnologiialyq jelini tapsyrýy qajet. Barlyq úderis júrgizilip, óndiris GMP standarttaryna jetkende zaýyt iske qosylady. Biraq bul jyl sońyna josparlanǵan", - dedi ministr.
Buǵan deiin premer-ministrdiń orynbasary Eraly Toǵjanov 50 myń doza QazVac koronavirýsyna qarsy qazaqstandyq vaktsinanyń alǵashqy partiiasy sáýirde Qazaqstan óńirlerine jetkiziletinin málimdegen edi.
