QR Densaýlyq saqtaý ministri Aleksei Tsoi qyzmetinen bosatylýyna bailanysty Facebook-tegi paraqshasynda málimdeme jasady, dep habarlaidy Tengrinews.kz agenttigi.
«Qurmetti dostar, áriptester! Búgin meniń azamattyq sektorǵa kóshý jáne ǵylym men áleýmettik bastamalar arqyly densaýlyq saqtaýdy damytý týraly sheshimimdi qoldady.
Memleket basshysy COVID-19 boiynsha jaǵdaidy turaqtandyrýdy, Densaýlyq saqtaý júiesiniń áleýetin arttyrýdy tapsyrdy. Biz epidemiologiialyq qaýip-qaterge den qoiý úshin jaǵdai jasadyq: ár óńirde jańa infektsiialyq aýrýhanalar salyndy, jedel járdem parki ashyldy, jasandy tynys alý apparattary, aýyldaǵy jyljymaly meditsinalyq keshender jańartyldy, otandyq farmatsevtika ónerkásibi ónimdilik óskenin kórsetedi, dárilik zattar men meditsinalyq maqsattaǵy buiymdardyń qajetti qory jasaldy, SES pen zerthanalyq qyzmettiń áleýeti artty, QazVac vaktsinasy shyǵaryldy jáne t.b.
Qysqa ýaqyt ishinde ǵana densaýlyq saqtaý salasy nyǵaidy, biz júieli negizde meditsina qyzmetkerleriniń jalaqysyn kóterdik, QAJK meditsinalyq qyzmetin densaýlyq saqtaý, farmatsevtika ónerkásibi, biologiialyq qaýipsizdik ministrligine berý, meditsina qyzmetkerleriniń mártebesin arttyrý jáne basqa da kóp zań jobasyn ázirledik.
"Deni saý ult" ulttyq jobasy bekitildi, DDSU, IýNISEF jáne BUU-nyń basqa da agenttikterimen ónimdi áriptestik jolǵa qoiyldy, densaýlyq saqtaýdy tsifrlandyrý boiynsha jobalar iske qosyldy. Bul áriptestermen birge jaqsy nátijelerge qoljetkizgen birneshe baǵyt.
El basshylyǵyna, Prezident Ákimshiligine, Premer-ministrge, Úkimet boiynsha áriptesterime, Densaýlyq saqtaý ministrligine, barlyq jergilikti atqarýshy organǵa, azamattyq sektorǵa, BAQ-qa, eriktilerge, úkimettik emes uiymdarǵa jáne qymbatty meditsina qyzmetkerlerine senim bildirgeni jáne Qazaqstan halqynyń igiligi úshin birlesip atqarǵan orasan zor jumysy úshin alǵysymdy bildiremin.
Jaqyn arada eńbek jolynyń jańa vektoryn anyqtaimyz. Alda jańa jobalar kútip tur.
Barshańyzǵa jaqsylyq, myqty densaýlyq jáne jaǵymdy kóńil-kúi tileimin», - delingen Aleksei Tsoidyń málimdemesinde.
Buǵan deiin Memleket basshysynyń jarlyǵy boiynsha Aleksei Tsoi Qazaqstan Respýblikasynyń densaýlyq saqtaý ministri laýazymynan bosatylǵany habarlanǵan bolatyn.
