Almaty men Nur-Sultan qalasynda koronavirýstan reanimatsiiada jatqan naýqastar kóp bolyp tur. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Kúndelikti monitoringke sáikes, osy jyldyń 20 sáýirindegi jaǵdaiǵa orai óńirler shegindegi bos emes tósek-oryndar sany respýblika boiynsha infektsiialyq tósek-oryndardyń 41, al reanimatsiialyq tósek-oryndardyń 27 paiyzyn quraidy», - dedi ministr.
Onyń atap ótýinshe, bos emes infektsiialyq tósek-oryndardyń eń joǵary kórsetkishi Batys Qazaqstan oblysynda 63, Almaty oblysynda 61 jáne Almaty qalasynda 56 paiyzdy qurap otyr.
«Al bos emes reanimatsiialyq tósek-oryndardyń eń joǵary kórsetkishi Almaty qalasynda 53, al Nur-Sultan qalasynda 56 paiyzdy quraidy», - dedi Aleksei Tsoi.
