2 tamyzdan bastap birneshe óńirde Ashyq jobasyna qatyspaityn kásiporyndar men uiymdardyń jumysy toqtatylady, dep habarlaidy "Ult aqparat".
Bul týraly Densaýlyq saqtaý ministri Aleksets Tsoi ortalyq kommýnikatsiailar qyzmetinde ótken brifingide aitty.
«Respýblika boiynsha táýliktik aýrý juqtyrý kórsetkishiniń 65 paiyzy Nur-Sultan, Almaty, Shymkent, Atyraý jáne Qaraǵandyǵa tiesili. Osyǵan bailanysty keshe vedomstvoaralyq komissiia atalǵan óńirlerde qosymsha shekteý sharalaryn bekitti. Ol shekteýler 2 tamyzdan bastap kúshine enedi», - degen ministr shekteýdiń qandai mekemelerge baǵyttalǵanyn atady.
«Menshik iesine qaramastan, ortalyq memlekettik organdar men ákimdikterden, quqyq qorǵaý organdary men densaýlyq saqtaý nysandarynan, BAQ uiymdary men azyq-túlik dúkenderinen, dárihanalar men ómirdi qamtamasyz etetin uiymdardan basqa Ashyq jobasyna qatyspaityn barsha kásiporyndar men uiymdardyń jumysy toqtatylady. Oiyn-saýyq, sport jáne ózge de buqaralyq sharalardy, otbasylyq jiyn-toi men eske alý sharalaryn ótkizýge tyiym salynady», - dedi Aleksei Tsoi.
