Búgin Densaýlyq saqtaý ministri Aleksei Tsoi jumys saparymen Almaty qalasyna bardy. Ministr qaladaǵy epidemiologiialyq ahýalmen tanysyp, koronavirýs infektsiiasymen kúrestiń tiimdiligin arttyrý boiynsha mindetter qoidy, dep habarlaidy "Ult aqparat".
Sapardyń negizgi maqsattarynyń biri – meditsinalyq nysandardy halyqty jappai vaktsinatsiialaýǵa daiyndyǵyn tekserý jáne meditsinalyq kómek kórsetýdiń problemalyq máselelerinde ádisnamalyq kómek kórsetý boldy.
Buǵan deiin habarlanǵandai, Almaty sońǵy eki apta boiy KVI-men syrqattanýshylyqtyń ósýi jáne jaǵdaiy aýyr naýqas sany boiynsha qolaisyz aimaqta tur.
Máselen, biyl 25 naýryzdaǵy jaǵdai boiynsha Almatyda KVI juqtyrǵan patsientterge arnalǵan tósek-oryn sany - 5180, bul eldegi jalpy tósek-oryn qorynyń 22%. Statsionarda 1847 adam jatyr, tósek-orynnyń 36% naýqas bar.
Ministr qaladaǵy iri statsionarlardyń biri - №7 kópbeiindi klinikalyq aýrýhanada boldy, onda 722 tósek bar. Orta eseppen munda táýligine 250-300 patsient túsedi. Jylyna 77 myń adam qaralady. Onyń ishinde orta eseppen 30% -y, iaǵni 23 myńnan astam adam aýrýhanaǵa jatqyzylady. Statsionarǵa emdeýge jatqandardyń 80% shuǵyl jáne 20% josparly túrde.
Klinikany aralaý barysynda A.Tsoi qarqyndy terapiiany qajet etetin KVI bar patsientter úshin sapaly statsionarlyq kómekke qol jetkizýdi qamtamasyz etýdiń mańyzdylyǵyn atap ótti.
Densaýlyq saqtaý ministri jaǵdaiy aýyr naýqastar úshin reanimatsiia jaǵdaiynda meditsinalyq kómek kórsetý tájiribesi bar túrli beiindegi eldiń eń úzdik dárigerlerin konsýltativtik kómekke tartý qajettigin atap ótti.
Kelesi nysan №4 qalalyq emhana boldy, onyń bazasynda halyqty koronavirýs infektsiiasynan vaktsinatsiialaý júrgiziledi. Meditsinalyq uiymnyń basshysy kestege sáikes vaktsinatsiiany júrgizý barysy týraly aityp berdi, birinshi kezekte emhananyń barlyq meditsina qyzmetkerleri, sodan keiin pedagogtar men quqyq qorǵaý organdarynyń qyzmetkerleri GAM-KOVID-VAK vaktsinasyn aldy.
Emhana bir mezgilde jalpy 83 690 adamǵa alǵashqy meditsinalyq-sanitariialyq, konsýltatsiialyq-diagnostikalyq qyzmet kórsetedi, onyń ishinde eresekter – 66 509, balalar – 17 181.
Densaýlyq saqtaý ministri bastapqy meditsinalyq uiymnyń meditsina qyzmetkerleriniń nazaryn tirkelgen halyqty barynsha qamtý úshin jappai vaktsinatsiialaýdy naqty uiymdastyrý qajettigine aýdardy. Sonymen qatar, ol emhana qyzmetkerleri úshin vaktsinatsiianyń oń áseri týraly halyqpen túsindirý jumystaryn júrgizý mańyzdy ekenin, bul virýstyń taralýymen kúresýdiń jalǵyz tásili ekenin atap ótti.
Aita keteiik, 25 naýryzdaǵy jaǵdai boiynsha Almaty qalasynda COVID-19 juqtyrǵan 31 307 naýqas jáne yqtimal COVID-19 (PTR-) diagnozymen 5 498 jaǵdaiy tirkeldi. 559 adam qaitys bolǵan (452 KVI+, 107 KVI-).
Sońǵy 7 kún ishinde 100 myń turǵynǵa shaqqanda KVI+ syrqattanýshylyq kórsetkishi - 141,0 qurady, RT reprodýktivti sany 1,11 qurady. Sońǵy táýlikte KVI+ 341 jaǵdaiy tirkeldi, ósim 1,1 qurady.
Ótken aptada (18 naýryzdan 24 naýryzǵa deiin) aldyńǵy aptamen salystyrǵanda (11 naýryzdan 17 naýryzǵa deiin) aýrýdyń 1,3 ese ósýi baiqalady (2 033-ten 2 659 jaǵdaiǵa deiin).
Aýrýdyń eń joǵary kórsetkishi Bostandyq, Áýezov, Medeý jáne Naýryzbai aýdandarynda tirkeldi.
Aýrýdyń eń joǵary kórsetkishi Bostandyq, M.Áýezov, Medeý jáne Naýryzbai aýdandarynda tirkelgen.
