QR Ulttyq banki tsifrlyq teńgeni engizý jónindegi pilottyq jobanyń birinshi kezeńiniń nátijeleri týraly baiandama jariialady, dep habarlaidy QazAqparat.
«Tsifrlyq teńge» jobasy biyl qolǵa alynǵan bolatyn. Ony Ulttyq bank qarjy naryǵynyń oiynshylarymen, sarapshylar qaýymdastyǵymen jáne halyqaralyq seriktestermen birlesip iske asyrdy.
«Bastapqy kezeńde Ulttyq bank tsifrlyq teńge tujyrymdamasynyń kúndelikti tirshilikke qalai sińisetinin tekserip, bólingen reestr tehnologiiasynyń bazasynda jekelegen platformanyń tehnologiialyq turǵyda júzege asa alatyny týraly eksperimentter jasap kóz jetkizdi. Sondai-aq, Qazaqstan úshin ortalyq bankten tsifrlyq valiýta úlgisiniń negizgi parametrlerin anyqtady», - dep jazylǵan Ulttyq banktiń túsindirmesinde.
Pilottyq joba aiasynda tsifrlyq valiýtamen satyp alý jáne aýdarym jasaý ekserimentteri de jasalǵan.
Osyndai synaqtardan keiin tsifrlyq teńgege qoldanylǵan tehnologiialyq sheshimderdiń myndai artyqshylyqtary bar degen qorytyndy shyǵarylyp otyr:
- Menshik quqyǵy token aldy: paidalanýshy tsifrlyq teńgeni uialy telefondaǵy (nemese basqa qurylǵydaǵy) tsifrly ámiianynda token túrinde saqtai alady, sol arqyly óz aqshasyn tolyq baqylaýda ustaidy.
- Oflain-rejimdegi tólemder: tsifrlyq teńgeni paidalanatyn adam satýshyda da, ózinde de internettiń joqtyǵyna qaramastan, saýda jasai alady.
- Qupiialyq sharttaryn retteýge bolady: tranzaktsiia málimetterin esep aiyrysqan taraptardyń bárinen jasyryp qoiýǵa bolady (paidalanýshynyń tańdaýyna qarai), solai bola tura tiisti tekserýler jasaýǵa bolady.
- Arnaiy maqsattaǵy tokender: tsifrlyq teńgeni programmalaýdyń arqasynda tokenniń qurylymynda shyǵyndarǵa shekteý qoiýǵa bolady jáne maqsatty paidalanýdy ońai baqylaýǵa bolady.
- Integratsiianyń qarapaiym túri: tsifrlyq teńgeniń infraqurylymy arqasynda ekinshi deńgeili bankter men qarjylyq-tehnologiialyq kompaniialar ony ońai qostyryp, tsifrly qarajatty paidalanýdyń jeke dara stsenariiin júzege asyrýǵa múmkindik alady. Iaǵni, naryqtaǵy eski kompaniialar da, jańa kompaniialar da osyndai múmkindikke ie bolady.
Jobany júzege asyrý kezinde Shvetsiia, Singapýr, Kanada, Eýroodaq, AQSh, Shveitsariia, BAÁ sekildi ózge de elderdiń tájiribesi eskerilgen.
«Baiandamada tsifrlyq teńge tujyrymdamasynyń tehnologiialyq turǵyda júzege asý gipotezasynyń synaǵy, sondai-aq, jobany odan ári júzege asyrýǵa qatysty suraqtar men mindetter bar. Qujatta sondai-aq, tsifrlyq teńgeniń ekonomikaǵa, qarjy turaqtylyǵyna jáne aqsha-kredit saiasatyna tigizetin yqpaly men ony retteýdiń joldary usynylǵan», -dep jazady Ulttyq bank mamandary.
Al tsifrlyq teńgeniń úlgisi 2022 jyldyń shildesine qarai daiyn bolmaq. Ol úshin ekonomikalyq jáne retteý boiynsha zertteýdiń qorytyndysyn, tehnologiialyq parametrlerdiń baǵasyn, tutynýshylardyń áreketine qatysty sandyq jáne sapalyq zertteýdiń, dizain-sessiialar men sarapshylar talqylaýynyń qorytyndysyn alý kerek.
«Áleýetti paida men táýekelderdi jan-jaqty zerttep, tehnologiialyq aspektiler pysyqtalǵan soń, aqsha-kerdit saiasaty men qarjylyq turaqtylyqqa tietin yqpaly baǵalanyp, Ulttyq tólem júiesi men onyń qatysýshylary úshin qandai áseri bolatyny boljanǵan soń 2022 jyldyń sońyna qarai tsifrlyq teńgeni engizý týraly sheshim qabyldanady», - delingen Ulttyq bank málimetinde.
