eGov.kz portaly taǵy birneshe qujattardyń tsifrly nusqasyn engizdi. Atap aitqanda, endi atalǵan portalda jeke kýálik, júrgizýshi kýáligi, týý týraly kýálik, COVID-19 boiynsha PTR-test nátijesiniń tsifrlyq nusqasy eGov.kz portalynda qoljetimdi bolyp otyr, - dep habarlaidy «Ult aqparat».
Bul týraly eGov.kz portalynyń operatory – «Ulttyq aqparattyq tehnologiialar» AQ-sy málimdedi.
«Azamattardyń kóptegen suranysy boiynsha biz tsifrlyq qujattardy eGov.kz portalyna shyǵardyq», - delingen resmi habarlamada.
Bul jańalyqty alǵash bolyp estip, atalǵan qyzmetti alǵash alýshylardyń biri Dáýlet Estanov neke qiiý týraly kýáliginiń tsifrlyq nusqasyn tańdaǵan.
«Otyzymda orda buzyp, ótken aida úilendim. Kelinshpegim ekeýimiz resmi neke qiiaiýǵa onlain ótishish jazyp, endi neke qiiý týraly kýáliktiń tsifrly nusqasyn kórip otyrmyn. Alǵash tutynýshylardyń biri ekenimdi eskerip, bizdiń eldiń damyp jatqanyna, Qazaqstannyń shynym en tsifrlanyp jatqanyna qýandym ári kóz jetkizdim. Bul qarapaiym azamattar úshin de óte yńǵaily qyzmet túri eken», - deidi almatylyq Dáýlet.
Tsifrlyq qujattardy kórý úshin aldymen portalda avtorizatsiiadan ótý kerek. Odan keiin «Jeke kabinetke» kirip, joǵarǵy jaqta turǵan «Tsifrlyq qujattar» bólimin basý qajet. Sol kezde jeke kýálik, júrgizýshi kýáligi, týý týraly kýálik, neke týraly kýálik, aty-jóni men tekti aýystyrý týraly kýálik, nekeni buzý týraly kýálik, tehnikalyq tólqujat, COVID-19 boiynsha PTR-testtiń nátijesi, stýdenttik bilet, diplom, zeinetkerdiń kýáligi, qandastyń kýáligi, kólik quralyn tirkeý týraly kýálik, áleýmettik ID, vaktsinatsiia tólqujaty siiaqty qujattardyń tizimi shyǵady.
Sonymen qatar, eGov.kz portalynyń 5 túrli jańa qyzmeti 23 elde qoljetimdi bolyp otyr. Iaǵni Sheteldegi qazaqstandyqtar eGov.kz portalynan 5 túrli jańa qyzmet ala alady.
Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin halyq aldyndaǵy esep berý kezdesýinde aitty.
«Qazir álemniń 23 elindegi kez kelgen qazaqstandyq neke qiiýǵa nemese buzýǵa, týýdy, qaitys bolýdy jáne atyn, tegin, ákesiniń atyn ózgertýge qatysty qujattardy eGov.kz portaly arqyly bere alady. Elder tizimi keńeiedi. Sondai-aq pasporttar berý protsesin oilastyryp jatyrmyz. Búginde qujattardy daiyndaý merzimi – 80 kún. Bul aqparattyq júielerdiń joqtyǵymen jáne qujattardyń diplomatiialyq poshtamen jiberiletinimen bailanysty. Máskeý elshiliginde pilottyq joba iske qosyldy. Onyń arqasynda atalǵan merzim 30 kúntizbelik kúnge deiin qysqardy. Sheteldik mekemelerde baza ornatylady, qujatty berýdi 18 kúnge deiin jedeldetetin bolamyz», - dedi Baǵdat Mýsin.
Aita keteiik, Tsifrlyq damý ministrligi bolashaq ekonomikasynyń tsifrlandyrý jáne elektrondyq memlekettik qyzmetter, kommýnikatsiia men bailanystyń jańa túrleri, úlken derekter men jiyntyqty tehnologiialar, aqparattyq qaýipsizdik, innovatsiialyq ekojúie, ǵarysh tehnologiialary men geodeziia sekildi baǵyttaryna jetekshilik etedi.
«Tsifrlyq Qazaqstan» Memlekettik baǵdarlamasy 5 negizgi baǵyt boiynsha júzege asyrylady: «Ekonomika salalaryn tsifrlandyrý»; «Tsifrlyq memleketke kóshý»; «Tsifrlyq jibek jolyn iske asyrý»; «Adami kapitaldy damytý»; «Innovatsiialyq ekojúieni qurý» Baǵdarlamanyń maqsaty — tsifrlyq tehnologiialardy qoldaný esebinen qazaqstandyqtardyń turmys deńgeiin arttyrý bolyp tabylady.
Jalpy, tsifrlandyrý, atalǵan jobanyń ekonomikalyq tiimdiligi 2 jyl ishinde aldyn ala 802,5 mlrd astam teńgeni qurady. Innovatsiialyq ekojúiege 32,8 mlrd teńge tartyldy jáne aralas salalardy esepke alǵanda 120 000-ǵa jýyq jumys orny quryldy. Jalpy Ministrlik salalary boiynsha 170 mlrd astam teńge investitsiia tartyldy.
Esterińizge sala keteiik, eGov.kz portalynyń operatory – «Ulttyq aqparattyq tehnologiialar» AQ-sy azamattardyń kóptegen suranysy boiynsha tsifrlyq qujattardy eGov.kz portalyna shyǵarǵanyn málimdegen bolatyn.
