QR tsifrlyq damý, innovatsiialar jáne aeroǵarysh ónerkásibi vitse-ministri Áset Turysov «Ashyq» qosymshasyndaǵy aqaýlar úshin keshirim surady, dep habarlaidy "Ult aqparat".
«Sońǵy kúnderi «Ashyq» qosymshasynda bolǵan aqaýlar men tehnikalyq problemalarǵa qatysty keltirilgen qolaisyzdyqtar úshin keshirim suraǵym keledi. Buǵan deiin aitqanymdai, memleket «Ashyq» júiesin óz qaramaǵyna aldy, jýyrda bul júieni «Ulttyq aqparattyq tehnologiialar» AQ operatoryna beiimdeý jumystary júrgizildi», - dedi Áset Turysov Ortalyq kommýnikatsiialar qyzmetinde ótken baspasóz máslihatynda.
Spiker «Ashyq» júiesin ákimshilendirýdi «Ulttyq aqparattyq tehnologiialar» AQ mamandary júrgizetinin eske saldy.
«Endi tehnikalyq máselelerdi bizdiń ulttyq operator qadaǵalaityn bolady. Ondaǵy barlyq mamandar joǵary sanattaǵy, meniń oiymsha, olar júie qyzmetin turaqty ete alady», - dedi Á. Turysov.
Aita keteiik, «Ashyq» qosymshasy bóten JSN engizýden qorǵaý maqsatynda Egov júiesindegi azamattardyń mobildi bazasymen biriktirildi. Turǵyndar Egov mobile qosymshasyn júktep, osy qosymshamen sáikestendirýi qajet.
