Bailanys.bar servisiniń jetekshisi Vladimir Fidler qazaqstandyqtardy internet sapasyn tekserýge shaqyrdy, dep habarlaidy "Ult aqparat".
Bul sait internettiń álsiz signalyn tirkeýge alady. Saitqa kirgende bir ǵana batyrma arqyly bailanys signalyn tirkeýge bolady. Bul derekter tsifrlyq damý, innovatsiialar jáne aeroǵarysh ónerkásibi ministrliginiń derekter bazasyna kelip túsedi.
Bailanys.bar geolokatsiiany bólisýge, internetke qosylý jyldamdyǵyn tekserýge jáne ólsheý nátijelerin kórýge múmkindik beredi. Eldiń eń shalǵai túkpirleriniń turǵyndary ónimdi paidalanyp, internet sapasyna monitoring júrgize alady. Servis braýzerde de, Aitu mobildi qosymshasy arqyly da qoljetimdi, ony PlayMarket jáne App Store dúkenderinen júkteýge bolady. Qosymshany ázirleýshiler – BTS Digital qazaqstandyq tsifrlyq kompaniiasynyń jas mamandary.
«Bizdiń basty mindetimiz – internet jyldamdyǵy boiynsha eń tómen óńirlerdi anyqtaý. Derekter neǵurlym kóp jinalsa, jaǵdaidy túzetý úshin sharalar dálirek bolady. Biz barlyq qazaqstandyqtardy tekserýge qatysýǵa shaqyramyz. Munda kúrdeli eshteńe joq, jelini birneshe ret basý arqyly baqylaýǵa bolady», – deidi Vladimir Fidler.
Bul Qazaqstan tarihyndaǵy internet sapasyna júieli táýelsiz monitoring júrgizýdi uiymdastyrýǵa jasalǵan alǵashqy áreket. Osy ýaqytqa deiin ártúrli zertteýlerdiń biriktirilmegen derekteri negizinde nemese bailanys operatorlarynyń ózderi jasaǵan. bailanys.bar servisi obektivti derekterdi paidalanýshylardan tikelei alýǵa múmkindik beredi.
Eske sala ketsek QR tsifrlyq damý, innovatsiialar jáne aeroǵarysh ónerkásibi ministri Baǵdat Mýsin elimizde internet signalynyń sapasyn tekseretin bailanys.bar veb-saity ashylǵanyn habarlaǵan bolatyn.
