Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin «ArselorMittal Temirtaý» kompaniiasyndaǵy apatty azaitý joldaryn aqparattyq tehnologiiadan izdeý kerektigin aitady, dep habarlaidy "Ult aqparat".
"Búgin Premer-Ministrmen birge Qaraǵandy oblysynda is-saparmen boldym.
Saryarqa óńirinde 292 IT-kompaniia bar, olarda 3 myńnan astam maman jumys isteidi. Óńirdegi iri kompaniialardyń arasynan álemde 60 myńnan astam maman jumys isteitin áigili EPAM kompaniiasyn atap ótkim keledi, atalǵan uiymnyń elimizdegi resmi keńsesi osy Qaraǵandyda ashylǵan bolatyn. Sondai-aq, DamuMed, Flip.kz, BilimAl, Xnet, Wooppay siiaqty kompaniialar da óz qyzmetin tabysty júzege asyryp jatyr" - deidi ol.
Mýsin IT mamandar úshin taptyrmas oryn bolyp tabylatyn «Terrikon alqaby» IT-habynda bolyp, Premer-Ministrge óńirlerde tehnoparkter qurý jáne olardy qoldaý baǵytynda atqarylyp jatqan jumystar týraly da baiandaǵan.
"Sondai-aq, IT-naryǵyn damytý, bailanys sapasyn jaqsartý, ónerkásip sektorynda tsifrlyq transformatsiialaýdy qoldaný protsesteri týraly aqparatpen bólistim. Atap aitqanda, «ArselorMittaldaǵy» óndiristik nysandardy aralai otyryp, Álihan Ashanulyna óndiristik protsesterdi tsifrlandyrýǵa jáne kásiporyndarda qaýipsizdikti qamtamasyz etýge yqpal ete alatyn 5G tehnologiiasynyń múmkindikteri týraly baiandadym.
Premer-Ministr «ArselorMittal» kásipornyna 5G jelileri negizinde úzdik tájiribelerdi qoldana otyryp, jedel túrde tsifrlandyrý jumystaryn júrgizýge naqty tapsyrma berdi, mysaly, «aqyldy kaskalar» júiesin engizý arqyly shahtalardaǵy jumysshylardyń ornalasqan jerin anyqtaýǵa bolady, bul júie olardyń dispetcherlermen turaqty bailanysyn qamtamasyz etedi jáne shahtalarda bolyp jatqan oqiǵalar týraly onlain rejimde úzdiksiz aqparat bere alady. Bul - jumyskerlerdiń ómirin saqtap qalýǵa jáne jaraqattanýyn azaitýǵa baǵyttalǵan bir ǵana mysal. Tsifrlandyrýdyń arqasynda kóptegen mańyzdy protsesterdi ózgertýge jáne óndiristegi adamdardyń ómirin qorǵaýǵa bolady" - dep jazdy ministr Facebook paraqshasynda.
