AQSh prezidenti Donald Tramp Qazaqstan Prezidenti Qasym-Jomart Toqaevpen qalyptasqan senimdi qarym-qatynasty joǵary baǵalaitynyn aitqan, dep habarlaidy ult.kz.
Bul týraly Qazaqstan Prezidentiniń baspasóz pýlyndaǵy jýrnalist Ádil Baltabaev aitty.
Buǵan deiin Qasym-Jomart Toqaev AQSh Ókilder palatasynyń Biýdjet jáne salyq jónindegi komitetiniń tóraǵasy Djeison Smit bastaǵan Kongress delegatsiiasymen kezdesken edi.
Kezdesý barysynda Djeison Smit Donald Tramptyń oǵan túngi saǵat 2-de qońyraý shalǵanyn aityp, AQSh prezidentiniń Qasym-Jomart Toqaevqa sálemin jetkizgen.
«Búgin túngi saǵat ekide maǵan Prezident Donald Tramp qońyraý shaldy. Men oǵan birneshe saǵattan keiin Sizben kezdesetinimdi aittym. Ol Sizge eń jyly tilegin jetkizýdi ótindi. Sondai-aq aralaryńyzda qalyptasqan senimdi ári konstrýktivti qarym-qatynasty joǵary baǵalaitynyn bildirdi», – dedi Djeison Smit.
Kongressmenniń aitýynsha, Tramp sondai-aq Qasym-Jomart Toqaevty G20 sammitine qatysý úshin Maiamide kútetinin jetkizgen.
Smittiń sózin Prezidenttiń baspasóz pýlyndaǵy jýrnalist Ádil Baltabaev jariialady.
