Foto: pixabay.com
Ishki ister ministrligi tramadol preparaty esirtki zattarynyń tizimine qosylǵanyn málimdedi, dep habarlaidy Sputnik Qazaqstan portaly.
Dárihanada satylatyn tramadol psihotroptyq analgetik bolyp sanalady. Ony esirtkige táýeldi adamdar eiforiiaǵa túsý úshin qoldanyp jatady. Endi ondai dárini tek arnaiy litsenziiasy bar dárihanalar men emdeý uiymdary ǵana satady. Dárigerdiń retsepti bolýy shart.
Ministrliktiń baspasóz hatshysy Shuǵyla Turlybektiń aitýynsha, tramadoldyń zańsyz ainalymy úshin qylmystyq jaza qarastyrylǵan. Jazanyń aýyrlyǵy dáriniń mólsherine qarai anyqtalady.
"0,1 gramǵa deiin az mólsher, 10 gramǵa deiin iri, al odan joǵary asa iri kólemde bolyp sanalady. Ol úshin qylmystyq jaýapkershilik qarastyrylǵan", - dedi Turlybek aptalyq brifingte.
Budan bólek, tramadoldy jarnamalaǵandarǵa da jaza qarastyrylǵan.
