Jalpy quny 158 mln teńge bolatyn eki kólikti alaiaqtyq jolmen iemdengen Túrkistan oblystyń Politsiia departamentiniń burynǵy bólim bastyǵy 5 jylǵa sottaldy, dep habarlaidy "Ult aqparat".
QR Sybailas jemqorlyqqa qarsy is-qimyl agenttiginiń búgin ótken onlain-brifingi barysynda málim etilgendei, Túrkistan oblysy Politsiia departamenti Kriminaldyq politsiia basqarmasy jeke adamǵa qarsy qylmystardy ashý bóliminiń burynǵy bastyǵy R.Dúisembievke jalpy somasy 158 mln teńge bolatyn «Toyota Camry» jáne «Toyota Land Cruiser Prado» markaly avtokólikterdi alaiaqtyq jolmen iemdenip, senimge qiianat jasady degen aiyp taǵylǵan.
Shymkent qalasy Ál-Farabi aýdandyq sotynyń biylǵy 10 naýryzdaǵy úkimimen R.Dúisembiev kináli dep tanylyp, 5 jylǵa bas bostandyǵynan aiyryldy. Jazasyn qaýipsizdigi ortasha mekemede óteidi. Sondai-aq onyń qylmystyq jolmen tabylǵan qarajatqa satyp alynǵan múlki tárkilenip, memlekettik qyzmette laýazym ielenýge ómir boiyna tyiym salyndy.
Budan bólek, osy is boiynsha jekenotariýs J.Abdýrahman QR QK 251-babynda kózdelgen qylmystyq quqyq buzýshylyq jasaǵany úshin kináli dep tanylyp, 1 jyl bas bostandyǵynan aiyrý túrindegi jazaǵa tartyldy.
