Semei qalasyndaǵy toiǵa barǵan tanymal ánshi Qairat Nurtasqa qatysty tekserý júrgizilip jatyr, dep habarlaidy "Ult aqparat".
ShQO Sanitarlyq-epidemiologiialyq baqylaý departamentiniń basshysy Qanat Turdiev onlain formatta ótken baspasóz máslihatynda Semei qalasyndaǵy toiǵa qatysty tekserý jumystarynyń júrgizilip jatqandyǵyn aitty.
«Osydan birneshe kún buryn áleýmettik jelilerde Semeidegi meiramhanalardyń birinde ótken toida bolǵan estrada juldyzy Qairat Nurtas pen qonaqtardyń videolary jariialanǵan bolatyn. Qazirgi ýaqytta sanitarlyq-epidemiologiialyq talaptardy buzǵan meiramhana iesine qatysty tiisti materialdar daiyndaldy», - dedi ol.
Atalǵan fakti boiynsha Semei qalasynyń sanitarlyq-epidemiologiialyq baqylaý bóliminiń mamandary tekserý júrgizýde. Al Qairat Nurtasqa qatysty shekteý sharalaryn buzý týraly materialdar onyń turǵylyqty meken-jaiy boiynsha SEB basqarmasyna joldanǵan.
