Qazaqstan Respýblikasynyń Tótenshe jaǵdailar ministri Iýrii Ilinniń jumys saparynyń birinshi kúni Shyǵys Qazaqstan oblysy ákiminiń vedomstvoaralyq biryńǵai ahýaldyq ortalyǵyna barýdan bastaldy, dep habarlaidy QazAqparat vedomstvonyń baspasóz qyzmeti.
Ol jerde tótenshe jaǵdailar kezinde, qaýipsiz jol qozǵalysy, áleýmettik obektiler, shuǵyl jáne kommýnaldyq qyzmetterdiń barlyq aqparattyq júieleriniń ózara árekettestigi júzege asyrylady.
«112» biryńǵai kezekshi-dispetcherlik qyzmeti iske qosylǵannan bastap 284351 myń qońyraý qabyldaǵan. Iýrii Ilin osyndai kezekshi-dispetcherlik qyzmettermen ózara árekettestik kúndelikti jumysta, joǵary ázirlik men tótenshe jaǵdai rejiminde uiymdastyrylatynyn atap ótti.
Sonymen qatar ministr № 1 mamandandyrylǵan órt sóndirý bólimine baryp, óńir qutqarýshylarynyń jaraqtanýyndaǵy arnaiy tehnika jáne jabdyqtary men sý tasqynyna daiyn turǵan kúshteri jáne quraldarymen tanysty. «ShERP» jol talǵamaityn kóligi qutqarýshylar arasynda shuǵyl jaǵdaiǵa tap bolǵan adamdarǵa kómek kórsetýde óte tanymal jáne qurmetke ie boldy. Osy arnaiy tehnikanyń arqasynda qys kezinde shamamen 38 adam jetýi qiyn jerlerden qutqaryldy, endigi jerde olardy sý tasqyny kezinde paidalaný josparlanýda.
Sonymen qatar Iýrii Ilin Shyǵys Qazaqstannyń erekshe klimatyn eskere otyryp, avariialyq-qutqarý jumystaryn oryndaýǵa múmkindik beretin motopompalardyń daiyndyǵy, qutqarý kerek-jaraqtaryn qarap shyqty. Kóktemgi sý tasý kezinde avariialyq-qutqarýǵa jumyldyrylǵan jeke quram sany 708 dana Liman atty bas kiimi men etigi bar gidrokostiýmmen jabdyqtalǵan. Óńirde sý tasqyny jaǵdaiy qiyndaǵan jaǵdaida jergilikti atqarýshy organdarmen birlesip kúshter men quraldar toby qurylǵan: quramynda 3 myń adam, 24112 birlik tehnika jáne 370 motopompa bar, 108 evakobeket daiyndalǵan.
Iýrii Ilin qyzmettik mindetterdi oryndaý kezinde qaza bolǵan órt sóndirýshiler men qutqarýshylardyń estelik stellasyna gúl shoǵyn qoiýǵa qatysty.
Sonymen qatar TJM basshysy Shyǵys qazaqstannyń órt sóndirý-qutqarý sporty boiynsha sportshylardy nazartan tys qaldyrmady, olar biyl respýblikadaǵy jasóspirimder men erler komandalary arasynda chempion boldy. Ol sportshylardyń jattyǵatyn departamenttiń sport manejine baryp, qurmetke laiyqty jeńisterimen quttyqtady.
Jumys saparynyń birinshi kúni sońynda TJ ministri ShQO TJD Daǵdarys ortalyǵynda óziniń tóraǵalyǵymen keńeitilgen jinalys ótkizdi. Jinalys barysynda Iýrii Ilin oblys aýmaǵyndaǵy sý tasqynyna qarsy sharalar jáne avariialyq-qutqarý jumystaryn júrgizý boiynsha birqatar tapsyrmalar berdi. Tótenshe jaǵdailar sanyn azaitý boiynsha naqty tapsyrmalar belgilep jáne ýaqtyly boljam jasaý boiynsha jumystardy aiqyndady. Jinalysqa Sý inspektsiiasy, «Kazgidromet» ShQ filialynyń, Kommýnaldyq-tehnikalyq qyzmet ókilderi qatysty.
TJM basshysy jumys saparynyń ekinshi kúni oblystyń sý qaýipti oryndaryn áýeden baqylaýynan bastalady.
