Tótenshe jaǵdai rejimin buzǵan 143 adamǵa ákimshilik is qozǵaldy. Bul týraly búgin Ortalyq kommýnikatsiialar qyzmetindegi brifingte QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
«Búgingi kúni quqyq qorǵaý organdary Qylmystyq kodekstiń «Sanitarlyq jáne gigienalyq normativterdi buzý» baby boiynsha sotqa deiingi úsh tergeýdi bastady. Tótenshe jaǵdai rejimin buzǵany úshin «Ákimshilik quqyq buzýshylyq týraly» kodekstiń 476-baby boiynsha 143 tulǵaǵa qatysty ákimshilik is qozǵaldy. Mysaly, dámhanalar men meiramhanalar ruqsat etilmegen ýaqytta jumys isteidi. Jiyn-toi ótkizedi. Osynyń barlyǵy adamdardyń ómirine qaýip tóndiredi. Sondyqtan da olar jaýapqa tartylady. Tolyqtai alǵanda Nur-Sultan men Almatydaǵy blok-beketterdegi jaǵdai turaqty. Halyq engizilgen sharalarǵa túsinistikpen qaraýda», - dedi ministr.
Onyń atap ótýinshe, búgin elimizdiń bas sanitarlyq dárigeri halyqtyń qaýipsizdigin qamtamasyz etýge baǵyttalǵan jańa qaýlyǵa qol qoidy. Atalǵan qaýlyǵa sáikes, koronavirýs infektsiiasy qolaisyz elderden kelgen azamattardyń barlyǵy 14 kúnge karantinge jatqyzylady jáne virýsty anyqtaýǵa arnalǵan test tapsyrady.
«Sóz 1 A sanatyna kiretin Frantsiia, Iran, Ispaniia, Germaniia jáne Italiia syndy elder jaiynda bolyp otyr. Qalǵan elderden kelgen azamattar koronavirýsty anyqtaýǵa arnalǵan saraptamalar tapsyrý úshin statsionarlyq karantinge 1 kúnge oqshaýlanady. Tipti, teris nátije bolǵannyń ózinde olar 13 táýlikke úide oqshaýlanatyn bolady», - dedi Dáýren Abaev.
Ministrdiń aitýynsha, tranzit arqyly ushyp kelgen azamattarǵa da jiti nazar aýdarylady. Olar barlyq saraptamalardy tapsyrady. Al Qazaqstan aýmaǵyna tranzittik reister qonǵan jaǵdaida, jolaýshylar ushaq bortynan shyqpaidy.
