Tótenshe jaǵdai kezinde toi jasaǵan túrkistandyq turǵyn nebári 26 510 teńge aiyppul tóleitin boldy. Túrkistan qalasynyń mamandandyrylǵan ákimshilik soty óz úiiniń aýlasynda toi jasaǵan azamatqa qatysty sheshim shyǵardy, dep habarlaidy "Ult aqparat".
Oblystyq sottyń málimetinshe, atalǵan azamatqa qatysty ákimshilik is QR ÁQBtK 476-babynyń 3-bóligimen qaralǵan.
«Sotta M. óz kinásin tolyq moiyndap, istegen isine ókinetinin aitqan. Sottyń qaýlysymen M. Qazaqstan Respýblikasy Ákimshilik quqyq buzý týraly kodeksiniń 476-baby 3-bóliginde kórsetilgen quqyq buzýshylyqty jasaǵany úshin kináli dep tanylyp, oǵan 26 510 teńge aiyppul salyndy. Sot qaýlysy zańdy kúshine enbegen» delingen sottyń Facebook áleýmettik jelisindegi paraqshada.
Eske sala keteiik, keshe Túrkistan oblysynda tótenshe jaǵdai kezinde toi jasaǵan turǵynǵa ákimshilik hattama toltyrylǵan bolatyn.
