Qazaqstan Respýblikasyna keletin halyqaralyq uiymdar delegatsiialarynyń múshelerin qospaǵanda el aýmaǵyna kóliktiń barlyq túrlerimen kirýge, sondai-aq onyń aýmaǵynan shyǵýǵa shekteýler belgilendi, dep habarlaidy "Ult aqparat".
«Karantin engizilsin. Sanitariialyq-epidemiiaǵa qarsy aýqymdy is-sharalardy, onyń ishinde Qazaqstan Respýblikasy Qorǵanys ministrliginiń jáne ishki ister organdarynyń halyqtyń sanitariialyq-epidemiologiialyq salamattylyǵy salasyndaǵy qyzmetti júzege asyratyn qurylymdyq bólimsheleriniń qatysýymen júzege asyrsyn. Oiyn-saýyq, sporttyq jáne basqa da buqaralyq is-sharalardy, sondai-aq otbasylyq, salt-dástúr is-sharalaryn ótkizýge tyiym salynsyn», - delingen Prezidenttiń Jarlyǵynda.
Sondai-aq, Jarlyqqa sáikes Qazaqstan Respýblikasynyń jáne shet memleketterdiń diplomatiialyq qyzmetiniń personalyn, sondai-aq Qazaqstan Respýblikasy Syrtqy ister ministrliginiń shaqyrýymen Qazaqstan Respýblikasyna keletin halyqaralyq uiymdar delegatsiialarynyń múshelerin qospaǵanda, Qazaqstan Respýblikasynyń aýmaǵyna kóliktiń barlyq túrlerimen kirýge, sondai-aq onyń aýmaǵynan shyǵýǵa shekteýler belgilendi.
