Indýstriia jáne infraqurylymdyq damý ministri Qaiyrbek Óskenbaev Tótenshe jaǵdai kezindegi eldiń kólik infraqurylymy qalai jumys istep turǵanyn baiandady, dep habarlady QazAqparat.
«Barlyq aimaqtarda qalalyq avtobýs qyzmeti, barlyq temirjol vokzaldary jáne barlyq jolaýshylar men júk poiyzdarynyń qozǵalysy tolyǵymen qalpyna keltirildi.
Respýblikalyq mańyzy bar avtojoldar boiynsha avtokólik quraldary úshin qozǵalysqa shekteý joq», - dedi vedomstvo basshysy Úkimet otyrysynda.
Qaiyrbek Óskenbaevtyń aitýyna qaraǵanda, Almaty qalasynyń áýejaiy qyzmetin qaita bastaýǵa tehnikalyq daiyn.
«Elimizdiń 20 áýejaiynyń 18-i shtattyq rejimde jumys isteidi. Almaty jáne Taldyqorǵan áýejailarynyń qyzmeti toqtatyldy. Bul rette, Almaty qalasynyń áýejaiy qyzmetin qaita bastaýǵa tehnikalyq daiyn, quzyretti arnaiy organdardyń tiisti sheshimi qajet», - dedi ministr.
